+
+

एनभीए क्लब लिग वैशाख तेस्रो साता, पुरस्कार रकम दोब्बर

छैटौं राष्ट्रिय भलिबल प्रतियोगिताको पुरस्कार राशि दोब्बर भएको छ । यस वर्षदेखि प्रतियोगितामा पहिलो हुनेले ६ लाख, दोस्रो हुनेले ३ लाख, तेस्रोले १ लाख ५० हजार र चौथो हुनेले ७५ हजार रुपैयाँ पाउने नेपाल भलिबल संघले जनाएको छ ।

अनलाइनखबर अनलाइनखबर
२०७८ चैत २२ गते १५:४०

२२ चैत, काठमाडौं । छैटौं राष्ट्रिय भलिबल प्रतियोगिताको पुरस्कार राशि दोब्बर भएको छ । यस वर्षदेखि प्रतियोगितामा पहिलो हुनेले ६ लाख, दोस्रो हुनेले ३ लाख, तेस्रोले १ लाख ५० हजार र चौथो हुनेले ७५ हजार रुपैयाँ पाउने नेपाल भलिबल संघले जनाएको छ ।

संघले आगामी वैशाख १८ देखि २४ राष्ट्रिय खेलकुद परिषदको कभर्डहलमा छैटौं राष्ट्रिय महिला तथा पुरुष भलिबल प्रतियोगिता गर्दैछ । जसमा पुरुषतर्फ ७ टिम र महिलातर्फ ५ टिम सहभागी हुने नेपाल भलिबल संघका महासचिव जितेन्द्र चन्दले बताए ।

उत्कृष्ट विधातर्फ सर्वोत्कृष्ट पुरुष तथा महिला खेलाडीले जनही ३५/३५ हजार पाउनेछन् । व्यक्तिगत विधातर्फ उत्कष्ट सेटर उलकर, सर्भर, स्पाइकर, लिवेरो र प्रशिक्षकले जनही १५/१५ हजार प्राप्त गर्नेछन ।

यस्तै उपत्यका बाहिरबाट लिगमा छनौट भएका क्लवहरुलाई प्रोत्साहन एवं बाटो खर्च स्वरुप ७० हजार रुपैयाँ दिने संघले जनाएको छ । प्रतियोगिता सम्पन्न गर्न अनुमानित ५५ लाख खर्च लाग्ने अनुमान छ । प्रतियोगिताको प्रायोजकको रुपमा राष्ट्रिय वाणिज्य बैंकले १८ लाख रुपैयाँ दिनेछ ।

प्रायोजनसम्बन्धी सम्झौतामा मंगलबार नै राष्ट्रिय वाणिज्य बैँकका प्रमुख कार्यकारी अधिकृत किरणकुमार श्रेष्ठ र संघका अध्यक्ष मनोरञ्जन रमण शर्माले हस्ताक्षर गरे ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?