+
+

सेमिफाइनल पुगेपछि सुखद सिजनको पर्खाइमा लिभरपुल

अनलाइनखबर अनलाइनखबर
२०७९ वैशाख १ गते १५:०५

१ वैशाख । युईएफए च्याम्पियन्स लिगको क्वाटरफाइनलको दोस्रो लेगमा बराबरीमा रोकिए पनि समग्रमा जितसहित लिभरपुल सेमिफाइनल पुगेको छ ।

दोस्रो लेगमा घरेलु मैदानमा पोर्चुगिज क्लब बेन्फिकासँग ३–३ गोल बराबरीमा रोकिए पनि लिभपुलले समग्रमा ६–४ को जित निकाल्दै अन्तिम चारमा स्थान पक्का गरेको हो । पहिलो लेगमा लिभरपुलले ३–१ को अवे जितका कारण लिभरपुल सेमिफाइनल प्रवेश गरेको हो ।

एनफिल्डमा बुधबार राति भएको खेलमा लिभरपुलका लागि ब्राजिली फरवार्ड रोबर्टाे फिर्मिनोले दुई तथा इब्राहिमा कोनाटले एक गोल गरे । बेन्फिकाका गोन्कालो रामोस, रोमन यारेमचुक र डार्विन नुनेजले गोल गरे । पहिलो लेगमा हार भोगेका कारण बेन्फिका अघिल्लो चरण पुग्नबाट वञ्चित भयो ।

खेलको २१औं मिनेटमा इब्राहिमा कोनाटको गोलबाट लिभरपुलले सुरुवाती अग्रता लिएको हो । उनले कोन्सटानटिनोस टिसिमिकासको पासमा गोल गर्न सफल भएका थिए । बेन्फिकाका लागि ३२औं मिनेटमा गोन्कालो रामोसले गोल गर्दै खेललाई १–१ गोलको बराबरीमा ल्याए ।

५५औं मिनेटमा रोबर्टाे फिर्मिनोले गोल गर्दै लिभरपुललाई २–१ ले अग्रता दिलाएका हुन् । उनले डिएगो जोटाको पासमा गोल गर्न सफल भएका थिए । ६५औं मिनेटमा फिर्मिनोले कोन्सटानटिनोसको पासमा व्यक्तिगत दोस्रो तथा टोलीका लागि तेस्रो गोल गरेपछि लिभरपुल ३–१ ले अघि बढ्यो ।

त्यसपछि बेन्फिकाले दुई गोल गर्दै खेललाई ३–३ गोलको बराबरीमा ल्याएपनि अघिल्लो चरण पुग्न पर्याप्त रहेन । ७३औं मिनेटमा रोमन यारेमचुकले एलेक्स ग्रिमाल्डोको पासमा तथा ८२औं मिनेटमा डार्विन नुनेजले जोओ मारियोको पासमा गोल गर्न सफल भएका थिए ।

लिभरपुलले अब सेमिफाइनलमा भियारियलसँग खेल्ने छ । बार्यन म्युनिखलाई हराउँदै अन्तिम चारमा प्रवेश गरेको भियारियल राम्रो टोली रहेको लिभरपुलका प्रशिक्षक जर्जिन क्लोपको भनाइ छ ।

लिभरपुल प्रशिक्षक क्लोप सेमिफाइनल प्रवेशपछि निकै खुसी छन् । हामी एक कठिन खेल र प्रतिस्पर्धीको आशा गछौं र हामी आफैं पनि कडा प्रतिस्पर्धी भएका कारण हामी खासै वास्ता पनि गर्दैनौं ।’

भियारियल सेमिफाइन प्रवेश गर्न लायकको टोली रहेको उनले प्रतिक्रिया दिएका छन् । ‘भियारियल सेमिफाइनल प्रवेश गर्न लायकको टोली हो । यो कुरा बार्यनका टोलीले सुन्न नचाहलान् तर यो सत्य हो ।’

सेमिफाइनलमा भेट हुन लागेका यी दुई टोलीबिच कडा प्रतिस्पर्धा हुने क्लोपले बताए ।

भियारियलका प्रशिक्षक उनाइ एमरी चार पटक युरोपा लिग विजेता प्रशिक्षक हुन् । यसको कारण पनि प्रतिपर्धा रोमाञ्चक हुने लिभरपुलका प्रशिक्षक क्लोपको बुझाइ छ ।

‘उनी निकै अनुभवी छन् र उनको टोली निकै जागरुक छन्, कप प्रतिस्पर्धामा कसरी प्रतिस्पर्धा गर्ने त्यो राम्रोसँग जानेका व्याक्ति हुन्’, प्रशिक्षक क्लोपले भने ।

लिभरपुलका लागि अब धेरै बलिया खेल आइरहेका छन् । जसमा शनिबार एफए कपको सेमिफाइनलमा म्यानचेस्टर सिटीको सामना गर्दै छ । त्यस्तै एक हप्ता पछि प्रिमियर लिगको शीर्ष दुईको खेल छ ।

लिभरपुल क्लबका प्रशिक्षक क्लोपले पछिल्लो खेलमा ७ खेलाडी परिवर्तन गरेका थिए । उनले विभिन्न समयमा गरिरहेको परिवर्तनले उनको खेलाडी परिक्षणको नयाँ विधि भनेर बुझिन्छ । उनले बेञ्चमा मुख्य खेलाडी मानिएका मोहमद सलह र साडियो माने बेञ्चमा सिमित भएका थिए ।

‘हो मैले सात खेलाडी परिवर्तन गरे किनकी हामीले खेल्नु पर्ने खेल हामीले चाहे अनुरुप भएको थिएन र खेल ३–१ को स्थितिमा रहँदा एकाग्रता गुमायौं । त्यसैले मैले परिवर्तन गरें’, क्लोपले भने ‘यो खेलमा राम्रो प्रदर्शन गरेका कारण हामी सेमिफाइनल पुग्यौंं यसमा म निकै खुसी छु ।’

मंगलबार हुने प्रिमियर लिगको खेल लिभरपुलका लागि निकै खास हुन सक्छ । जसको कारण हो, म्यानचेस्टर सिटी भन्दा एक अंकले तल परेको लिभरपुलले मंगलबार म्यानचेस्टर युनाइटेडसँग खेल्दै छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?