सिटीलाई हराउँदै लिभरपुल एफए कपको फाइनलमा

४ वैशाख, काठमाडौं । साडियो मानेको दुई गोल मद्दतमा म्यानचेष्टर सिटीलाई हराएर लिभरपुल एफए कपको फाइनलमा प्रवेश गरेको छ ।

शनिबार भएको पहिलो सेमिफाइनलमा लिभरपुलले म्यानचेस्टर सिटीलाई ३-२ ले पराजित गरेको हो ।

वेम्बली स्टेडियममा भएको खेलमा इब्राहिमा कोनाले नवौं मिनेटमा गोल गर्दै लिभरपुललाई अग्रता दिलाएका थिए ।

त्यसपटि मानेले १७औं र ४५औं मिनेटमा गोल गरेपछि लिभरपुलले पहिलो हाफमै ३-० को अग्रता बनायो ।

सिटीका लागि ४७औं मिनेटमा ज्याक ग्रेलिस र इन्जुरी समयमा सिटीका सिल्भाले गोल गरे ।

लिभरपुलले उपाधिका लागि चेल्सी र क्रिस्टल प्यालेसबीचको विजेतासँग खेल्नेछ ।