प्युठानमा ११ बजेसम्म ३० प्रतिशत मत खस्यो

३० वैशाख, प्युठान। स्थानीय तहका लागि भइरहेको मतदानमा बिहान ११ बजेसम्म प्युठानमा ३० प्रतिशत मत खसेको छ ।

मुख्य निर्वाचन अधिकृत श्यामलाल घिमिरेका अनुसार बिहान ७ बजेदेखि ११ बजेसम्म ३० प्रतिशतको हाराहारीमा मतदान भएको हो ।

प्यूठानका सवै केन्द्रमा शान्तिपुर्ण तरिकाले मतदान भईरहेको उनले बताए।  ‘अहिले रिपोर्ट लिने काम जारी छ, ३० प्रतिशत मतदान भएको हुन सक्ने अनुमान गरिएको छ,’ उनले भने  ।

प्यूठानमा कुल २ सय २० मतदान केन्द्र एव १ सय ५१ मतदान स्थल तय गरिएको छ । यसका लागि १ हजार ८४ जना कर्मचारी खटाइएको मुख्य निर्वाचन अधिकृत घिमिरेले बताए।