त्रिपुरासुन्दरीको अध्यक्ष र उपाध्यक्ष दुवै पद कांग्रेसले जित्यो

३ जेठ, काठमाडौं । सिन्धुपाल्चोकको त्रिपुरासुन्दरी गाउँपालिकाको अध्यक्ष र उपाध्यक्ष दुवै पदमा नेपाली कांग्रेसका उम्मेदवार निर्वाचित भएका छन् ।

अध्यक्षमा कांग्रेस उम्मेदवार भक्तध्वज बोहरा र उपाध्यक्षमा गीता कुमारी नेपाल निर्वाचित भएका हुन् ।

बोहराले ४ हजार २२९ मत पाएर अध्यक्षमा निर्वाचित हुँदा उनको निकटतम प्रतिस्पर्धी नेकपा एमालेका उम्मेदवार मेघनाथ पौडेलले ३ हजार २६७ मत पाए । यसैगरी माओवादी केन्द्रका बिर्खबहादुर श्रेष्ठले १ हजार ८६२ मत पाएका छन् ।

गाउँपालिकाको उपाध्यक्षमा पनि नेपाली कांग्रेसकी गिता कुमारी नेपाल ४ हजार १५६ मतसहित निर्वाचित भइन् ।

यसैगरी नेकपा एमालेकी सबिता श्रेष्ठले ३ हजार ८८९ र माओवादी केन्द्रकी मिना लामाले १ हजार २०३ मत पाएका छन् ।