+
+

डडेलधुराको भागेश्वरका ५ वडामा कांग्रेस र एक वडामा स्वतन्त्र उम्मेदवार विजयी

अनलाइनखबर अनलाइनखबर
२०७९ जेठ ३ गते १२:१६

३ जेठ, काठमाडौं । डडेलधुराको भागेश्वर गाउँपालिकाको सबै पदको मत परिणाम आउँदा स्वतन्त्रले जितेको एक पद बाहेक सबैमा नेपाली कांग्रेसका उम्मेदवार विजयी भएका छन् ।

एक वडाध्यक्ष स्वतन्त्रबाट विजयी भएका छन् । पालिकाका कुनै पनि पदमा नेकपा एमाले र नेकपा माओवादी केन्द्रले जित निकाल्न सकेनन् ।

कांग्रेसबाट अध्यक्षको उम्मेदवार बनेका हेमराज चटौत २ हजार ३११ मत प्राप्त गरी विजयी भए । एमालेले रामबहादुर शाहीलाई उम्मेदवार बनाएको थियो । पराजित भएका शाहीले १ हजार ७८ मत ल्याए । चटौत र शाहीको मतान्तर १ हजार २३३ छ ।

उपाध्यक्षमा कांग्रेस उम्मेदवार पुष्पा ठकुराठीले २ हजार ३४८ मत ल्यउँदा माओवादी केन्द्रकी गीता भट्टले ८३२ मत मात्रै ल्याइन् ।

गाउँपालिकाका ६ मध्ये पाँच वडाध्यक्षमा कांग्रेसका उम्मेदवार विजयी भएका छन् । वडा नम्बर १ को वडाध्यक्षमा स्वतन्त्र उम्मेदवार निर्वाचित भएका छन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?