+
+

ह्वावेले नेपालमा दोस्रो पटक सुरु गर्‍यो ‘सिड्स फर द फ्युचर’ कार्यक्रम

अनलाइनखबर अनलाइनखबर
२०७९ जेठ २० गते १३:००

काठमान्डौं । ह्वावेले नेपालमा ‘सिड्स फर द फ्युचर’ कम्पनीको ग्लोबल फ्ल्यागशिप सीएसआर कार्यक्रम सुरु गरेको छ।

काठमाडौंमा शुक्रबार पत्रकार सम्मेलनको आयोजना गरी ह्वावेले नेपालमा दोस्रो पटक यो कार्यक्रम सुरु भएको घोषणा गरेको हो । नेपालका सबै आईसीटीसम्बन्धी विषयका स्नातक तहका विधार्थीहरुका लागि लागि यो कार्यक्रम सञ्चाल गरिएको कम्पनीले जनाएको छ ।

ह्वावेले सन् २००८ मा पहिलो पटक थाइल्याण्डमा यो कार्यक्रम सुरु गरेको थियो । अहिलेसम्म १३० भन्दा बढी देश र क्षेत्रका १२ हजारभन्दा बढी विद्यार्थीहरूले कार्यक्रममा भाग लिइसकेका छन्।

यस वर्ष प्रतिस्पर्धात्मक आवेदन प्रक्रियाबाट छनोट भएका नेपालका ७ जना विद्यार्थीले १९ अगस्टदेखि २७ अगस्टसम्म बैंककमा हुने पहिलो क्षेत्रीय कार्यक्रममा सहभागी हुन पाउनेछन् ।

यस वर्ष ह्वावेले नेपालमा युनेस्कोसँग पनि साझेदारी गरेको छ । संस्थाले आफ्नो ‘नेक्स्ट५०’ अभियान अन्तर्गत विद्यार्थीहरूलाई संलग्न गराउनेछ।

कार्यक्रमले विद्यार्थीहरूलाई नेपालको आईसीटी उद्योगमा पहिलो अन्तर्दृष्टिहरू प्राप्त गर्ने र बैंककको ९ दिनको यात्रा गर्ने अवसर प्रदान गर्नेछ । बैंककमा विद्यार्थीहरूले ५जी, क्लाउड कम्प्युटिङ र एआई लगायत प्रमुख प्रविधिहरूमा प्रवेश स्तरका पाठ्यक्रमहरू प्राप्त गर्नेछन् । अत्याधुनिक आईसीटी विकासहरू बारे जान्ने, अन्तर्राष्ट्रिय संस्थाहरूको भ्रमण मार्फत अन्तर्राष्ट्रिय परिप्रेक्ष्य विकास गर्ने, विभिन्न विषयहरूको विस्तृत दायरामा दृष्टिकोण साझा गर्ने विशेषज्ञहरूबाट सुन्ने, विभिन्न संस्कृतिहरू अनुभव गर्ने, एशिया प्यासिफिक क्षेत्रबाट साथीहरू बनाउने र  “टेक४गुड”  समूह परियोजनामा ​​भाग लिनेछन् ।

‘टेक४गुड’ परियोजनाको लागि, विद्यार्थीहरूले वास्तविक-विश्व वातावरणीय वा सामाजिक समस्याहरू विरुद्ध लड्न मौलिक विचार लिएर आउनु पर्छ। टेक४गुड’  परियोजनाका विजेता टोलीहरूले पनि २९ अगस्टदेखि २ सेप्टेम्बरसम्म सिंगापुरमा आयोजित “टेक४गुड” एक्सेलेटर क्याम्पमा सामेल हुन पाउनेछन् ।

कार्यक्रम उत्कृष्ट शैक्षिक पृष्ठभूमिको साथ कुनै पनि आईसीटी डिस्सीप्लिनका स्नातक विद्यार्थीहरूका लागि खुला रहेको र विद्यार्थीले www.seedsnepal.com  मा गई सो कार्यक्रममा आवेदन दिन सक्नेछन्।

पत्रकार सम्मेलनमा त्रि.वि. इन्जिनियरिङ इन्स्टिच्युटका डिन प्रा. डा. शशिधर राम जोशीले कार्यक्रमको २०२१ संस्करण निकै रोमाञ्चक भएको स्मरण गर्दै गत वर्ष छनोट भएका विद्यार्थीलाई निकै योग्यका रूपमा प्रशंसा गरे ।

त्रिवि इनोभेसन सेन्टरका निर्देशक, प्रा. डा. सुवर्ण शाक्यले ह्वावेलाई अग्रणी आईसीटी कम्पनीको रूपमा प्रशंसा गरे ।

नेपालका लागि युनेस्कोका प्रतिनिधि माइकल क्रफ्टले कार्यक्रमलाई प्रविधि, युवा र सिकाइबीचको अन्तरसम्बन्ध भएको बताए ।

ह्वावे टेक्नोलोजी नेपाल प्रालिका सीईओ विलियम झाङले यस वर्षको कार्यक्रममा नेपालका विद्यार्थीहरुले अझ बढी उत्साहका साथ सहभागिता जनाउने विश्वास व्यक्त गरे ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?