+
+

झापासँगै प्लानिङ ब्वाइज पनि बी डिभिजनमा बढुवा

अनलाइनखबर अनलाइनखबर
२०७९ जेठ २० गते १५:४५

२० जेठ, काठमाडौं । ओसिस क्लबलाई ५-० गोलअन्तरले पराजित गरी प्लानिङ ब्वाइज युनाइटेड सहिद स्मारक बी डिभिजन लिगमा बढुवा भएको छ ।

सी डिभिजन लिगबाट झापा फुटबल क्लब यसअघि नै बी डिभिजनमा उक्लिसकेको छ ।

शुक्रबार एन्फा कम्प्लेक्समा सम्पन्न लिगको अन्तिम खेलमा प्लानिङ ब्वाइजले यसअघि नै रेलिगेसनमा परिसकेको ओसिसमाथि सहज जित निकालेको हो । सुर्खेतको आरसी ३२ पनि प्रतिस्पर्धामा थियो ।

तर, एकै समयमा दशरथ रंगशालामा भएको खेलमा आरसी ३२ ले साँगा स्पोर्टस एकेडेमीसँग गोलरहित बराबरी खेल्यो ।

प्लानिङ ब्वाइजका लागि फागुराम थारुले ह्याट्रिक पूरा गर्दा अर्जुनकुमार राना र ओमप्रकाश चौधरी एक–एक गोल गरे ।

प्लानिङ ब्वाइजले लिगको १३ खेलमा ९ जित र चार बराबरी खेल्यो । यो टिम लिगमा अपराजित एकमात्र टिम हो ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?