एकीकृत समाजवादीको केन्द्रीय परिषद बैठक LIVE

१३ असार, काठमाडौं । नेकपा एकीकृत समाजवादीको पहिलो केन्द्रीय परिषद् बैठक काठमाडौंमा सुरु भएको छ । कमलादीस्थित प्रज्ञा भवनमा आयोजित बैठकको उदघाटन समारोहलाई पार्टी अध्यक्ष माधव कुमार नेपालले सम्बोधन गरिरहेका छन् ।

देशभरबाट करिब एक हजार ५०० जना सहभागी भएको भनिएको सो बैठकमा पार्टीको सांगठनिक गतिविधि, स्थानीय तह निर्वाचनको समीक्षा, आगामी प्रतिनिधिसभा र प्रदेशसभा निर्वाचन लक्षित कार्यक्रम लगायत एजेण्डामा बैठकमा छलफल हुने पार्टीका प्रचार विभाग उपप्रमुख शम्भु श्रेष्ठले जानकारी दिए ।

बैठकमा पार्टीका महासचिव डा. वेदुराम भुसालले राजनीतिक प्रतिवेदन पेश गर्ने छन् ।