बैंकिङ कसूर मुद्दाका फरार अभियुक्त पक्राउ

८ भदौ, काठमाडौं । प्रहरीले बैंकिङ कसूर मुद्दाका एकजना फरार अभियुक्तलाई पक्राउ गरेको छ ।

पक्राउ पर्नेमा ओखलढुंगाको सुनकोशी गाउँपालिका-१ घर भई हाल काठमाडौं-७ चाबहिल बस्‍ने ५२ वर्षीय शंकरप्रसाद लुईटेल रहेका छन् ।

उनलाई काठमाडौं उपत्यका अपराध अनुसन्धान कार्यालयको टोलीले बौद्ध महाकालबाट पक्राउ गरेको हो ।

बैंकिङ कसूर मुद्दामा उच्च अदालत पाटनले उनीमाथि २०७८ चैत २० गते पक्राउ पुर्जी जारी गरेको थियो ।

पक्राउ परेका उनीमाथि थप कारबाहीको लागि जिल्ला प्रहरी परिसर काठमाडौं पठाइएको प्रहरीले जनाएको छ ।