२५ असोज, काठमाडौं । पेरिस सेन्ट जर्मन पीएसजीका फर्वार्ड लियोनल मेस्सीले पिडौंलाको चोटका कारण च्याम्पियन्स लिगमा बेनफिकासँगको खेल गुमाउने भएका छन् ।
चोटका कारण बेनफिकासँग आजराति हुने खेल मेस्सीले गुमाउने फ्रेन्च क्लब पीएसजीले जनाएको छ ।
मेस्सी आफैं एक उत्कृष्ट खेलाडीका साथै टिममा राम्रो कनेक्सन गराउने खेलाडी भएका कारण उनको अनुपस्थितिले टीमलाई समस्या हुन सक्ने पीएसजीका प्रक्षिशक क्रिस्टोफ गाल्टियरले बताएका हुन् ।
पिडौंला लागेको चोटले खेल्न असहज हुने भएकाले उनलाई आराममा राखिएको प्रशिक्षक गाल्टियरले बताएका हुन् ।
गतहप्ता चोटका कारण वैकल्पिक खेलाडी बनेका ब्राजिलियन फर्वार्ड नेयमार भने बेनफिकासँगको खेलमा सुरुवाती ११ मै मैदान उत्रिने छन् ।
बेनफिकासँगको खेलमा नेयमार र फ्रेञ्च फर्वार्ड केलियन एम्बापेले पीएसजीको अग्रपंक्ति सम्हाल्ने भए पनि मार्सेलसँगको खेलमा मेस्सी मैदान फर्किने प्रशिक्षक गाल्टियरले बताए ।
च्याम्पियन्स लिगको समूह एचमा पीएसजी र बेनफिका दुवैले समान ३ खेलबाट ७–७ अंक बटुलेका छन् । इटालियन क्लब युभेन्टसको ३ अंक छ भने इजरायली क्लब मक्काबीले ३ खेलमा कुनै अंक जोडेको छैन ।
प्रतिक्रिया 4