+

फिफा विश्वकप १९३८: दोस्रो विश्वयुद्धअघि इटलीको उपाधि रक्षा

२०७९ कात्तिक  २४ गते १५:५० २०७९ कात्तिक २४ गते १५:५०
फिफा विश्वकप १९३८: दोस्रो विश्वयुद्धअघि इटलीको उपाधि रक्षा

२४ कात्तिक, काठमाडाैं । सन् १९३८ को विश्वकप स्पेनी गृहयुद्ध, नाजी जर्मनीद्वारा अस्ट्रियामाथि विलय, मुसोलिनी नेतृत्वमा इटलीको विद्रोही कार्य र उरुग्वेको जारी बहिष्कारको छायाँमा आयोजित भएको थियो ।

जब दुई वर्षअघि नै फ्रान्स विश्वकप बयोजकको रुपमा छनोट गरिएको थियो दक्षिण अमेरिकी महारथी उरुग्वे र अर्जेन्टिनाले बहिष्कार गर्ने  घाेषणा गरेको थियो ।

पहिलो विश्वकपको फाइनलिस्टको विश्वास थियो कि विश्वकप आयोजना अधिकार युरोप र दक्षिण अमेरिकालाई पालैपालो दिनुपर्ने थियो ।

यस विवादका बाबजुत दक्षिण अमेरिकाबाट ब्राजिल र क्युबा महादेशको प्रतिनधित्व सुनिश्चितता गर्याे ।

यसैबीच, अष्ट्रिया प्रतियोगिताको महिना दिन अघि खारेज गरियो र जर्मनीमा गाभियो ।

यसले जर्मन टोलीभित्र कथित दरार ल्यायो र जर्मनीको खेलहरूमा केही दर्शकबीचको समस्या निम्त्यायो ।

इटलीयन टोलीले किकअफ अघि फासीबादी सलामी दिएर विवाद निम्त्यायो । उनीहरुले अवे जर्सीको रुपमा फासिस्ट पार्टीको रंगसँग मिल्दोजुल्दो कालो शर्ट लगाएका थिए ।

इटलीले सफलतापूर्वक आफ्नो उपाधि रक्षा गर्ने पहिलो टोली बनेर प्रतियोगितामा आफ्नो अधिकार जमायो ।

इटलीका भिटोरियो पोज्जोले अज्जुरी (इटलीको उपनाम) लाई लगातार दोस्रो पटक विश्वकप जिताएर महान प्रशिक्षकमा आफ्नो नाम लेखाए । यस्तै पोज्जोले इटलीलाई सन् १९३६ को ओलम्पिक स्वर्ण पदक पनि जिताएका थिए ।

विश्वकपमा पहिलो पटक एसियाको प्रतिनिधित्व भयो । एसियाबाट डच इस्ट इन्डिया (हाल इन्डोनेसिया)ले पहिलो पटक विश्वकपमा छनोट भएको थियो भने अन्य एसियन राष्ट्रले नाम फिर्ता लिए ।

यस विश्वकपमा ४.६६ को औषतमा गोल भए । १० शहरमा विश्वकपका खेलहरु आयोजना गरिएका थिए । ६ खेल अतिरिक्त समयमा पुगेको थियो । यस बेलासम्म पेनाल्टी सुटआउटको सुरुवात भइसकेको थिएन ।

युरोपभरि राजनीतिक अस्थिरताका साथै दक्षिण अमेरिका र युरोप महादेशबीचको यात्रा असहजताले विश्वकप प्रभावित भएको थियो ।

यसले गर्दा धेरै ठूला फुटबल राष्ट्रहरू प्रतियोगितामा सहभागि हुनबाट बन्चित भए ।

तेस्रो फिफा विश्वकप, दोस्रो विश्वयुद्ध अघिको युगमा अन्तिम विश्वकप बन्यो । विश्वले अर्का विश्वकप प्रतियोगिताको लागि १२ वर्ष कुर्नुपरेको थियो ।

तथ्यांकमा तेस्रो विश्वकप

आयोजकः फ्रान्स
टिमः १६
फम्र्याटः नकआउट, सेमिफाइनल, फाइनल
खेलः १८
गोलः ८४
विजेताः इटली
उपविजेताः हंगेरी
गोल्डेन बुटः लियोनिडास (ब्राजिल)

फिफा विश्वकप

धेरै कमेन्ट गरिएका

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय