+
+

धनुषा र सप्तरीमा प्रतिनिधि सभाको मतपत्रको सट्टा प्रदेश सभाको मतपत्र दिइएपछि विवाद

अनलाइनखबर अनलाइनखबर
२०७९ मंसिर ४ गते ११:२३
सप्तरी क्षेत्र नम्बर २ को राजविराज नगरपालिका ११ स्थित स्वास्थ्यचौकी मतदान केन्द्र

४ मंसिर, धनुषा । धनुषाको कमला नगरपालिका–६ बिलट बौकु मावि माडन मतदानस्थलको ‘ख’ केन्द्रमा मतदान रोकिएको छ ।

मतदान अधिकृतले प्रतिनिधि सभाको प्रत्यक्षतर्फको मतपत्र मतदातालाई दिनुपर्नेमा प्रदेश सभाको प्रत्यक्षतर्फको मतपत्र दिएको पाइएपछि बिहान ९ बजेदेखि मतदान रोकिएको हो । त्यतिबेला ७० वटा मत खसिसकेको थियो ।

मतदान सुरु गर्न अहिले सर्वदलीय बैठक बसिरहेको छ ।

यसैगरी सप्तरी क्षेत्र नम्बर २ को राजविराज नगरपालिका ११ स्थित स्वास्थ्यचौकी मतदान केन्द्र ‘क’ मा पनि प्रतिनिधि सभातर्फको मत पत्रको ठाउँमा प्रदेश सभाको मत पत्र दिइएको पाइएपछि झण्डै डेढ घण्टा मतदान रोकिएको छ । त्यतिबेला ३९ जनाले मतदान गरिसकेका थिए । सर्वपक्षीय सहमति पश्चात् ती ३९ जनालाई पुनः मतदान गर्न दिइएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?