+
+

दीपकराज गिरी र सन्तोष सेनले फिल्ममा सहकार्य गर्ने

अनलाइनखबर अनलाइनखबर
२०७९ माघ १६ गते १२:२०

काठमाडौं । घरेलु फिल्मका दुई प्रतिष्ठित ब्यानर आशुसेन फिल्म्स र आमा सरस्वती मुभिजले आगामी फिल्ममा सहकार्य गर्नेबारे छलफल गरेका छन् । आइतबार निर्माताद्वय दीपकराज गिरी र सन्तोष सेनबीच मिलेर जानेबारे कुराकानी भएको भएको छ । उक्त भेटमा निर्माता निर्मल शर्मा र अभिनेता प्रेम पुरी पनि थिए ।

भेटपछि अनलाइनखबरसँग गिरीले भने, ‘फिल्मकै लागि कुरा गरेको हो । ठूला ब्यानर मिलेर काम गर्नुपर्छ भन्नेतर्फ हामी गयौं । भेटेर हात मिलाएर मानसिक रुपमा तयारी भयौं । बाँकी काम छक्कापञ्जा ४ को रिलिज सकिएपछि हुनेछ ।’

निर्माता सेनले पनि भेटपछि तस्वीर सार्वजनिक गर्दै फिल्मको योजना र दर्शकलाई कलामार्फत दिन सकिने योगदानको विषयमा छलफल भएको फेसबुकमा उल्लेख गरेका छन् ।

उक्त पोस्टको कमेन्टमा गिरीले लेखेका छन्, ‘चलचित्रलाई कसरी मार्केटिङ गर्ने ? कसरी ब्रान्डिङ गर्ने भनेर सबैले तपाईं (सेन)बाट सिक्नुपर्नेछ । चलचित्र निर्माणमा समर्पित भएर लाग्ने स्वभाव, तपाईंको शब्द र तपाईंको सौहार्दताका लागि धन्यवाद ब्रदर । जय नेपाली सिनेमा ।’

‘छक्कापञ्जा ४’ रिलिज हुन अब एक महिना बाँकी रहेको र चाँडै नयाँ फिल्म निर्माण गर्ने दुवैको तयारीको पृष्ठभूमिमा यो भेट भएको हो । भेटमा सहभागी आशुसेन फिल्म्सका असिस्टेन्ट डाइरेक्टर सुदीप पौडेलले पनि आगामी प्रोजेक्टमा हुन सक्ने सहकार्यबारे छलफल भएको जानकारी दिए । ‘प्रेमगीत ३’ रिलिजताका यी दुई निर्माताबीच सामाजिक सञ्जालमा देखिएको तिक्ततालाई पनि उक्त भेटले अन्त्य गरेको अनुमान गरिएको छ ।

निर्माता दीपकराज गिरी ‘छक्कापञ्जा ४’को प्रदर्शनको दौडधुप सकिएपछि नयाँ फिल्म निर्माणको तयारीमा छन् । यो प्रोजेक्टको पनि योजना भइरहेको छ । आशुसेन पनि तत्कालै नयाँ फिल्मलाई लिएर अघि बढ्ने योजनामा छ । सहकार्य गर्ने भनिए पनि कुन पक्षमा यी दुई निर्माताबीच सहकार्य हुन्छ भन्ने कुराको निधो भइसकेको छैन ।

सोमबार छक्कापञ्जा ४ को टिजरसहितको गीत आउँदैछ । गीतमा समेत टिजरका दृश्य समावेश हुँदैछन् । हलमा चाहिं आजैदेखि टिजर प्रदर्शन हुने जनाइएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?