नेत्रहीन क्रिकेट भोलिदेखि

२४ माघ, काठमाडौं । नेत्रहीन क्रिकेट संघ नेपालको आयोजनामा चौथो कादुरी नेत्रहिन क्रिकेट प्रतियोगिता भोलिदेखि सुरु हुने भएको छ ।

संघले मंगलबार विज्ञप्ति जारी गर्दै चार दिने प्रतियोगिता पर्साको वीरगञ्जस्थित नारायणी रंगशालामा हुने जानकारी दिएको छ ।

टी-२० फर्म्याटमा हुने प्रतियोगितामा गोरखा, चितवन, मधेश प्रदेश र प्रदेश नम्बर १ गरि चार टिमले प्रतिस्पर्धा गर्नेछन् ।

प्रतियोगिताको उद्घाटन खेल चितवन र गोरखाबीच बुधबार हुनेछ ।

बुधबारै मधेश प्रदेश र प्रदेश नम्बर १ बीच दोस्रो खेल हुनेछ । प्रतियोगिता सिंगल राउण्ड रोविन लिगको आधारमा हुनेछ ।

यस प्रतियोगिताबाट छनोट भएका उत्कृष्ट खेलाडीहरुलाई सन् २०२३ अगष्ट महिनामा बंगलादेशमा आयोजना हुने अन्तराष्ट्रिय क्रिकेट प्रतियोगितामा सहभागी गराईने संघले जनाएको छ । प्र

प्रतियोगिताको खेल तालिका

माघ २५ गते बुधबार : चितवन VS गोरखा बिहान ९ बजे

माघ २५ गते बुधबार : मधेस प्रदेश VS प्रदेश नम्बर १ दिउँसो १ बजे

माघ २६ गते बिहिबार : गोरखा VS प्रदेश नम्बर १ बिहान ९ बजे

माघ २६ गते बिहिबार : मधेस प्रदेश VS चितवन दिउँसो १ बजे

माघ २७ गते शुक्रबार : चितवन VS प्रदेश न.१ बिहान ९ बजे

माघ २७ गते शुक्रबार : गोरखा VS मधेस प्रदेश दिउँसो १ बजे