१० वैशाख, काठमाडौं । रोयल च्यालेन्जर्स बेंगलोरले ईन्डियन प्रिमियर लिग (आईपीएल)मा शीर्ष स्थानमा रहेको राजस्थान रोयल्समाथि ७ रनको रोमाञ्चक जित हात पारेको छ ।
आइतबार बेंगलुरस्थित एन चिन्नास्वामी स्टेडियममा भएको रोएल्स टिमको भिडन्तमा बेंगलोरले बाजी मारेको हो ।
बेंगलोरले दिएको १९० रनको लक्ष्य पछ्याएको राजस्थानले २० ओभरमा ६ विकेट गुमाएर १८२ रन मात्र बनायो ।
अन्तिम ओभरमा राजस्थानलाई जितका लागि २० रन चाहिएको थियो । जहाँ रविचन्द्र आश्विनले बेंगलोरका हर्शल पटेलले सुरुको ट्टीन बलमा १० रन जोड्दै जितको सम्भावना बाँकी राखेको थिए । तर चौथो बलमा आश्विन आउट भए भने त्यसपछि दुई बलमा राजस्थानले २ रन मात्र जोड्न सक्यो ।
राजस्थानका लागि देवदत्त पडिकलले ३४ बलमा ७ चौका र १ छक्काको सहयोगमा ५२ रन बनाए । यशस्वी जैसवालले ३७ बलमा ५ चौका र २ छक्का प्रहार गर्दै ४७ रन बनाए ।
ध्रुव जुरेल १६ बलमा २ चौका र २ छक्कामा अविजित ३४ रन बनाएपनि जितसम्म पुर्याउन सकेनन् । बेंगलोरका हर्षल पटेलले ३ तथा डेबिड विल्ली र मोहम्मद सिराजले समान १ विकेट लिए ।
त्यसअघि टस हारेर पहिले ब्याटिङ गरेको बेंगलोरले निर्धारित २० ओभरमा ९ विकेट गुमाएर १ सय ८९ रन बनाएको थियो ।
बेंगलोरका ग्लेन म्याक्सवेलले ४४ बलमा ६ चौका र ४ छक्काको मदतमा सर्वाधिक ७७ रन बनाए ।
यस्तै फाफ डु प्लेसिसले ३९ बलमा ८ चौका र २ छक्का हान्दै ६२ रन बनाए । राजस्थानका लागि ट्रेन्ट बोल्ट र सन्दीप शर्माले समान २ तथा युजभेन्द्र चहल र रविचन्द्रन आश्विनले १-१ विकेट लिए ।
चौथो जित निकालेको बेंगलोर ७ खेलबा६ ८ अंक जोड्दै पाँचौ स्थानमा उक्लेको छ । अंकतालिकाको शीर्ष ६ स्थानमा रहने सबै टिमको समान ८ अंक नै छ । तेस्रो हार बेहोरेपनि ७ खेलबाट ८ अंक रहेको राजस्थान शीर्ष स्थानमा कायम छ ।
प्रतिक्रिया 4