+
+

काठमाडौं महानगरले माग्यो आगामी बजेटका लागि सुझाव

अनलाइनखबर अनलाइनखबर
२०८० वैशाख २७ गते १९:११

२७ वैशाख, काठमाडौं । काठमाडौं महानगरपालिकाले आगामी आर्थिक वर्ष २०८०/८१ को नीति, बजेट तथा कार्यक्रमका लागि सुझाव माग गरेको छ । महानगरका अनुसार अनलाइन मार्फत बजेटबारे सुझाव पठाउन सकिने छ । जसका लागि महानगरले बुधबार सामाजिक सञ्जाल मार्फत क्यूआर कोर्ड सार्वजनिक गरेको छ ।

अनलाइन सुझाव संकलन पोर्टलमा महानगरको विकास, सुविधा वितरण, सेवा प्रवाह तथा समृद्धिका लागि कुन-कुन क्षेत्रमा कस्ता नीति बनाउनु पर्ला ? कस्ता कार्यक्रम राख्नु पर्ला ? बजेटको कस्तो व्यवस्था गर्नुपर्ला ? लगायत शहरी विकास र व्यवस्थापनसँग सम्बन्धित शीर्षक र उपशीर्षक राखिएको महानगरले जनाएको छ ।

शीर्षकसँग सम्बन्धित या शीर्षकले समेट्न नसकेको भए त्यही क्षेत्रको अन्त्यमा राखिएको अन्यमा गएर आफ्ना सुझाव र सुझावसँग सम्बन्धित कागजात अपलोड गर्न सकिने व्यवस्था गरिएको महानगरले जनाएको छ ।

महानगरका अनुसार नागरिकका परिकल्पना र समस्या समाधानका न्यूनतम उपाय र योजनाहरूको विवरण ९ जेठ भित्र पठाइसक्नु पर्ने छ ।

२३ वटा शीर्षकमा सुझाव पठाउन सकिने छ । सुझाव दिने व्यक्तिले कति वटा सुझाव प्राप्त गरे भन्ने विवरण पनि हेर्न सकिने महानगरले जनाएको छ ।

सुझावका शीर्षकहरु : 

  • सार्वजनिक निर्माण
  • शिक्षा
  • स्वास्थ्य
  • शहरी व्यवस्थापन
  • वातावरण व्यवस्थापन
  • सम्पदा तथा पर्यटन
  • सूचना प्रविधि
  • सामाजिक विकास
  • सहकारी
  • कानुन तथा मानव अधिकार
  • कृषि तथा पशुपन्छी
  • विपद् व्यवस्थापन
  • हनुमान ढोका दरबार संरक्षण कार्यक्रम
  • पार्क तथा हरियाली व्यवस्थापन
  • वित्तीय सुशासन
  • खरिद
  • राजस्व
  • योजना अनुगमन
  • प्रशासन
  • सार्वजनिक निजी साझेदारी
  • संघ तथा प्रदेश पूर्वाधार विकास योजनाका
  • अन्तर्राष्ट्रिय सम्बन्ध

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?