नागरिकता विधेयक प्रमाणीकरणको विरोधमा अनेरास्ववियुको प्रदर्शन, १६ जना पक्राउ

१७ जेठ, काठमाडौं। नेकपा एमालेको विद्यार्थी संगठन अनेरास्ववियुले नागरिकता विधेयक प्रमाणीकरणको विरोधमा राष्ट्रपति कार्यालय, शीतलनिवास अगाडि प्रदर्शन गरेको छ ।

निषेधित क्षेत्रमा प्रदर्शन गरेको आरोपमा प्रहरीले १६ जना विद्यार्थी नेतालाई पक्राउ गरेको नेता कमलराज जोशीले बताए ।

जिल्ला प्रहरी परिसर, टेकुका एसपी सिताराम रिजालले चाहिं ८ जनाभन्दा बढीलाई नियन्त्रणमा लिइएको बताए।

उनले भने, ‘निषेधित क्षेत्रमा प्रदर्शन गरेकाले नियन्त्रणमा लिइएको हो’, उनले भने ।

पूर्वराष्ट्रपति विद्यादेवी भण्डारीले रोकेको विधयेक हालका राष्ट्रपति रामचन्द्र पौडेलले बुधबार प्रमाणीकरण गरेका थिए ।