नागरिकता विधेयक प्रमाणीकरण स्वागतयोग्य : लोसपा

१७ जेठ, काठमाडौं । लोकतान्त्रिक समाजवादी पार्टी (लोसपा) ले नागरिकता विधेयक प्रमाणीकरण भएकोमा स्वागत गरेका छन् ।

अध्यक्ष महन्थ ठाकुरले बक्तव्य जारी गर्दै विधेयक प्रमाणीकरणले राज्यविहीनताको पीडामा मलहम लगाउने काम भएको उल्लेख गरेका छन् ।

‘यसले खासगरी राज्यविहिनताको स्थितिमा रहेका नेपाली नागरिकहरुको पीडामा मलहमको काम गर्नेछ र समग्रतामा समेत नागरिकता सम्बन्धी धेरै हदसम्म समस्याको समाधान गर्नेछ’, बक्तव्यमा उल्लेख छ ।