८ असोज, काठमाडौं । साफ यू-१९ च्याम्पियनसिपमा माल्दिभ्सलाई ४-१ ले हराएपछि नेपाली टिमका प्रमुख प्रशिक्षक सुनिल श्रेष्ठले आशा गरे अनुसारकै नतिजा आएको भन्दै खुसी व्यक्त गरेका छन् ।
आफ्नो पहिलो खेलमा पाकिस्तानसँग १-० ले पराजित भएको नेपाललाई सेमिफाइनल पुग्नका लागि माल्दिभ्ससँगको खेल जित्नै पर्ने दबाब थियो ।
दबाबकै बीचमा पनि खेलाडीको मिहिनेतले खेल जित्न सकेको उनले बताए । ‘आजको खेलमा हामीलाई जित्नै पर्ने दबाब थियो,’ उनले भने ‘खेलाडीहरुले गरेको मिहिनेनतका कारण हामीले जित्यौं ।’
पाकिस्तानसँगको खेलको तुलनामा माल्दिभ्ससँगको खेलमा नेपाली टिममा धेरै सुधार भएको उनले दाबी गरे ।
बिहीबार नेपाललाई हराएको पाकिस्तान शनिबारको खेलमा माल्दिभ्ससँग बराबरीमा रोकियो थियो । शनिबारको माल्दिभ्सको खेल विश्लेषण गरेको भन्दै उनले त्यसकै कारण आज खेल्न सहज भएको बताए ।
माल्दिभ्सका कारण रातो कार्ड खायौं
प्रशिक्षक श्रेष्ठले माल्दिभ्सका कप्तानका कारण आफूहरुले रातो कार्ड पाउनु परेको बताए ।
‘मैदानभित्र माल्दिभ्सका खेलाडीले हामी आयोजक भएर पनि होला नेपाल र रेफ्रीसँग अनावश्यक बहस गरिरहेका थिए’, उनले भने, ‘उनीहरूकै कारण हामीले रातो कार्ड खान पुग्यौं ।’
३३ औं मिनेटमा नेपालका राइट विंगर सुजन डंगोल र माल्दिभ्सका कप्तान मोहमद इयान हसन लड्न पुगेका थिए ।
अगाडि बढेका हसनलाई सुजनले कुमले धकेलेका थिए । त्यसपछि लडेका हसन सुजनप्रति आक्रामक भए ।
त्यसपछि रेफ्रीले असिस्टेन्ट रेफ्रीहरुसँग सल्लाह गरेर दुवै खेलाडीलाई रातो कार्ड देखाउँदै मैदान बाहिर पठाएका थिए ।
माल्दिभ्सका खेलाडीले सुरुदेखि नै आक्रामक व्यवहार देखाएको श्रेष्ठले आरोप लगाए ।
Results
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
%20-%20Copy.jpg)
.jpeg)
.jpg)
प्रतिक्रिया 4