दाङमा एक जना डेङ्गु सङ्क्रमितको मृत्यु

१५ असोज, दाङ । दाङमा डेङ्गु सङ्क्रमणबाट एक जनाको मृत्यु भएको छ ।

मृत्यु हुनेमा रोल्पा माडी गाउँपालिका-२ घर्ती गाउँका ५१ यज्ञबहदुर डांगी रहेका छन् ।

स्वास्थमा समस्या देखिएपछि आइतबार दाङको राप्ती स्वास्थ विज्ञान प्रतिष्ठानमा भर्ना भएका डांगीलाई डेङ्गु सङ्क्रमण देखिएको थियो ।

उनको सोमबार बिहान उपचारको क्रममा मृत्यु भएको प्रतिष्ठानका सूचना अधिकारी निशान दाजु भट्टराईले जानकारी दिए ।