News Summary
Generated by OK AI. Editorially reviewed.- रोल्पाको माडी–१ चालाङमा अटो सडकबाट करिब ६०० मिटर तल खस्दा माडी–१ की ३२ वर्षीया खुमाकुमारी भण्डारीको मृत्यु भएको छ।
- सोही दुर्घटनामा गम्भीर घाइते ५४ वर्षीया गौसरा घर्तीमगरको दाङ लैजाने क्रममा बाटोमै मृत्यु भएको प्रहरीले जनाएको छ।
- दुर्घटनामा चालकसहित तीन जना सवार थिए र चालक कमलसिंह बुढा प्रहरी नियन्त्रणमा छन्।
१ कात्तिक, रोल्पा । रोल्पामा अटो दुर्घटना हुँदा दुई महिलाको मृत्यु भएको छ ।
मृत्यु हुनेमा माडी गाउँपालिका–१ घोर्नेटीकी ३२ वर्षीया खुमाकुमारी भण्डारी र सोही वडाको जवाङकी ५४ वर्षीया गौसरा घर्तीमगर छन् ।
तुलसीपुर–घर्तीगाउँ भित्री सडकखण्डअन्तर्गत माडी–१ चालाङमा आइतबार बिहान करिब १० बजे घर्तीगाउँबाट पेदीखोलातर्फ जाँदै गरेको लु.प्र. ०२–००१ ह ४९४७ नम्बरको अटो सडकबाट करिब ६०० मिटर तल खसेको थियो ।
दुर्घटनाबारे इलाका प्रहरी कार्यालय घर्तीगाउँले बिहान सवा १० बजे जानकारी पाएको थियो । जिल्ला प्रहरी कार्यालयका प्रवक्ता प्रहरी निरीक्षक राजेन्द्र चन्दका अनुसार भण्डारीलाई घर्तीगाउँस्थित स्मृति अस्पतालका चिकित्सकले जाँचपछि बिहान साढे ११ बजे मृत घोषणा गरेका थिए ।
दुर्घटनामा गम्भीर घाइते भएकी घर्तीमगरलाई थप उपचारका लागि दाङ रिफर गरिएको थियो । तर, दाङ लैजाने क्रममा बाटोमै उनको मृत्यु भएपछि शवलाई बाटोबाटै फर्काइएको प्रहरी निरीक्षक चन्दले बताए ।
अटोमा चालकसहित तीन जना सवार थिए । अटो चालक माडी गाउँपालिका–३ तालाबाङका ४७ वर्षीय कमलसिंह बुढा प्रहरी नियन्त्रणमा छन् ।
दुर्घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4