शिव परियारले ल्याए ‘भतभती मुटु पोलिरहेछ’

भतभती मुटु पोलिरहेछ

मनभरि हुरी चलिरहेछ

कतै जल्छु कि कतै ढल्छु कि

आफ्नै छाया आफैंबाट छुटिरहेछ    

गायक शिव परियारको नयाँ गीत ‘भतभती मुटु पोलिरहेछ’का यी शब्द हुन् । प्रेम वियोगको भावमा आधारित गीतमा विमला तुलाचनको शब्द, शंकर थापा ‘स्माइल’को संगीत र विषम आचार्यको एरेन्ज छ ।

प्रेम र त्यसपछिको विछोडको कथालाई प्रस्तुत गरिएको गीतको भिडियोमा क्रिस गुरुङ र एलिशा राई फिचर्ड छन् । रामजी लामिछानेले निर्देशन तथा कोरियोग्राफी गरेको भिडियोमा मानकृष्ण महर्जनको छायांकन, बन्दे प्रसादको सम्पादन र राजेन्द्र मोक्तानको कलर संयोजन छ ।

गीतलाई ‘शिव परियार’ युट्युब च्यानलमा रिलिज गरिएको छ । गायक परियार हाल कार्यक्रमको सिलसिलामा अमेरिका टुरमा छन् ।