भिजिट भिसा ठगी प्रकरणमा अध्यागमन अधिकृत पुर्पक्षका लागि थुनामा

२३ माघ, काठमाडौं । भिजिट भिसाका नाममा मानव तस्करी गर्न सहयोग गरेको आरोपमा पक्राउ परेका अध्यागमन अधिकृत नरवीर खड्कासहित ४ जना पुर्पक्षका लागि थुनामा पठाइएका छन् ।

जिल्ला अदालत काठमाडौंले खड्कासँगै मनोज तामाङ, सरोजकुमार यादव र अरुण दाहाललाई पुर्पक्षका लागि थुनामा पठाउन आदेश गरेको हो । त्यस्तै ६ जनालाई धरौटीमा छाड्न आदेश दिएको छ ।

अदालतले दिनेश ज्ञवाली र रामप्रसाद भण्डारीसँग ७ लाख, गीता शाहसँग ५ लाख, विनोद कार्कीसँग २ लाख र पदम लामा तथा रविन अर्यालसँग एक/एक लाख रुपैयाँ धरौटीमा छाड्न आदेश दिएको छ ।