पार्टी कार्यालय बनाउन एमालेले सदस्यहरुबाट १०० रुपैयाँ उठाउने

३ फागुन, काठमाडौं । नेकपा एमालेले पार्टीको केन्द्रीय कार्यालय बनाउन पार्टी सदस्यहरुबाट कम्तिमा १०० रुपैयाँ संकलन गर्ने भएको छ ।

बिहीबार बसेको एमाले केन्द्रीय सचिवालय बैठकले आसन्न केन्द्रीय कमिटी बैठकमा पार्टी कार्यालय निर्माणका लागि आर्थिक सहयोग संकलनलाई पनि एजेण्डा बनाउने निर्णय गरेको हो ।

बैठकपछि एमाले महासचिव शंकर पोखरेलले भने, ‘पार्टी सदस्यहरुबाट न्यूनमत १०० रुपैयाँ संकलन गर्ने प्रस्ताव लिएर हामी जाँदैछौं ।’

एमाले प्रचार विभाग प्रमुखमा राजेन्द्र गौतमका अनुसार पार्टी कार्यालय कहाँ बनाउने भन्ने विषयमा औपचारिक निर्णय भने भइसकेको छैन । तथापि, बल्खुमै जग्गा रहेकाले त्यहीँ कार्यालय निर्माण हुन सक्ने उनले बताए ।