कांग्रेसले चुनावमा गठबन्धन गर्नुपर्दैनः शशांक कोइराला

१० फागुन, काठमाडौं । नेपाली कांग्रेसका पूर्वमहामन्त्री डा.शशांक कोइरालाले कांग्रेस बलियो रहेकाले चुनावमा गठबन्धनको आवश्यकता नरहेको बताएका छन् ।

महासमिति बैठकको समापनमा बोल्दै उनले भने,‘गठबन्धन गर्न आवश्यक छैन । गठबन्धन आफ्नो साथीहरुसँग गर्नुस् ।’ ३६४ दिन कांग्रेस हुने र ३६५ औं दिनमा अर्को दललाई मत नदिने कार्यकर्ता पार्टीलाई आवश्यक नरहेको उनले बताए ।

नेता कोइरालाले धर्म निरपेक्ष राष्ट बनाउनु गलग भएको विचार राखे । ‘धर्म न निरपेक्ष हुन्छ न सापेक्ष हुन्छ । धर्म स्वतन्त्र हुन्छ । दुर्भाग्यवश हामीले धर्म निरपेक्ष बनायौं । यो गलत हो,’ उनले भने ।