२२ चैत्र, काठमाडौं । नेपाल गल्फ संघले फाल्डो जुनियर टुर नेपाल च्याम्पियनसिप गल्फ आयोजना गर्ने भएको छ ।
प्रतियोगिता चैत्र २८ देखि ३० (अप्रिल १०/१२) रोयल नेपाल गल्फ क्लबमासम्म हुनेछ । प्रतियोगिता पुरुषतर्फ यू-१२ देखि १६, यू-१७ देखि २१ र महिलातर्फ १२ देखी २१ उमेर समूहमा हुनेछ ।
तीन समूहका विजेताले भेदनाम र स्पेनमा हुने फाल्डो एसियन फाइनल खेल्न पाउने संघले जनाएको छ । स्पेन र भेदनाममा कहिले प्रतियोगिता हुने मिति भने तय भई सकेको छैन ।
यस प्रतियोगिता २०१२ देखि २०२० सम्म चलेको थियो । कोरोना महामारीपछि भने सुरु हुन सकेको थिएन । नेपालमा हुने फाल्डो जुनियर टुरको लागि संघले पोखरा र धरानबाट समान चार खेलाडी मगाएको छ । ती चार बाहेक अन्य खेलाडी आफ्नो पनि खेल्न पाउने छन् ।
प्रतियोगितामा महिलातर्फ १२ खेलाडी सहभागी हुने सम्भावना छ । कुल प्रतियोगितामा ३० देखि ४० खेलाडी सहभागी हुने सम्भावना छ । राष्ट्रिय खेलकुद परिषद् (राखेप) को सहकार्यमा प्रतियोगिता हुनेछ ।
प्रतिक्रिया 4