नागरिक बचतपत्रमा कम आवेदन परेपछि थपियो म्याद

२९ जेठ, काठमाडौं । सरकारले आन्तरिक ऋण उठाउन प्रयोग गर्ने उपकरण ‘नागरिक बचतपत्र’ मा माग अनुसार आवेदन नपरेपछि म्याद थप भएको छ ।

सार्वजनिक ऋण व्यवस्थापन कार्यलयले ३० वैशाखदेखि ५ अर्ब रुपैयाँ बराबरको नागरिक बचतपत्र निष्कासनमा ल्याएको थियो ।

उक्त ऋणपत्रमा ३० जेठसम्म आवेदन दिने म्याद भएपनि माग अनुसार आवेदन नपरेपछि आवेदन दिने म्याद १४ असारसम्म थप भएको हो ।

५ वर्ष अवधिको उक्त बचतपत्रको ब्याजदर ८ प्रतिशत रहेको छ भने अर्धवार्षिक रुपमा ब्याज भुक्तानी हुनेछ ।