सिन्दूर र बनारसी सारीमा ऐश्वर्याको कान्स सौन्दर्य (तस्वीर)

News Summary

Generated by OK AI. Editorially reviewed.

कान्स फिल्म फेस्टिभलमा ऐश्वर्या रायको उपस्थितिले चर्चा पाएको छ।
उनले सिन्दूर लगाएर आफ्नो सौन्दर्य प्रस्तुत गरेपछि दुईवटा व्याख्या भइरहेका छन्।
उनको तस्वीर र उपस्थितिले बलिउड र बच्चन परिवारको सम्बन्धबारे चर्चा बढाएको छ।

काठमाडौं । यस्तो लाग्छ, कान्स फिल्म फेस्टिभल र ऐश्वर्या राय पर्याय हुन् । यी ‘ब्युटी क्वीन’बिना कान्सको रेडकार्पेट अधुरो महसुस हुन्छ । कान्स सुरु भएको सातापछि उनै बलिउड डीभाले कान्समा आफ्नो सौन्दर्य छरिन् ।

ऐश्वर्याको यसपटकको यसपटकको कान्स सहभागिता अघिपछि भन्दा अर्थपूर्ण रह्यो । उनले सिन्दूर लगाएरै रेडकार्पेटमा सौन्दर्य प्रस्तुत गरिन् । हुन त,अर्की अभिनेत्री अदिती राव हैदारीले पनि सिन्दूर लगाइन् । तर, चर्चा ऐश्वर्याको भयो ।

उनले सिँउदोमा लगाएको सिन्दूरलाई लिएर दुई कोणबाट ब्याख्या भैरहेका छन् । एकथरीले अभिषेक बच्चनसँग डिभोर्स नभएको सन्देशको रुपमा ऐश्वर्याले सिन्दूर लगाएको तर्क गरिरहेका छन् भने अर्कोथरीले पाकिस्तानसँग भारतले हालै गरेको ‘अप्रेसन सिन्दूर’को समर्थन गरेको रुपमा लिएका छन् ।

कुरा जे भएपनि, ऐश्वर्याको उपस्थितीले कान्सको ध्यान आफूतिर तान्यो । कान्सबाट ऐश्वर्याका केही फोटो बाहिर आएका छन्, जसमा उनले फरक तरिकाले पोज दिइरहेकी छन् । केहीमा उनी हात हल्लाइरहेको देखिन्छिन् भने केहीमा नमस्ते भन्दै गरेको देखिन्छ । उनका तस्वीरलाई बलिउडका प्रसिद्ध फेसन डिजाइनर मनीष मल्होत्राले पनि सेयर गरेका छन् ।

मलहोत्राले डिजाइन गरेको बनारसी सारीमा ऐश्वर्या ब्युटीफुल देखिएकी छन् ।

ऐश्वर्याका फ्यानले यी तस्वीर विगत एक वर्षदेखि ऐश्वर्या र अभिषेकको सम्बन्ध विच्छेद हुने दाबी गर्नेहरूलाई कडा जवाफ भन्दै आएका छन् । कतिपयले त बच्चन परिवार र बुहारी ऐश्वर्याबीच निरन्तर तनाव रहेको पनि बताए । ऐश्वर्या आफ्नो माइतीघरमा बस्दै आइरहेकी छिन् तर उनको सिउँदोमा सिन्दूर देखेक धेरैजना निःशब्द छन् ।