एसियन पेन्ट्सको ‘कलर नेक्स्ट २०२५’ मा ‘कार्डिनल’ रङ घोषणा

News Summary

Generated by OK AI. Editorially reviewed.

नेपालको सबैभन्दा ठूलो पेन्ट कम्पनी एसियन पेन्ट्स नेपालले ‘कलर नेक्स्ट २०२५’ कार्यक्रम आयोजना गरी ‘कार्डिनल’ रङ घोषणा गर्‍यो।
कार्यक्रममा विश्वव्यापी रङ र फिनिसिङ प्रवृत्तिहरूको अध्ययन र नयाँ डिजाइन दिशाहरू प्रस्तुत गरियो।
एसियन पेन्ट्सले सामाजिक–सांस्कृतिक प्रवृत्तिहरूको अध्ययन र अनुसन्धानमार्फत डिजाइन र डेकोर उद्योगलाई दिशा दिने प्रतिबद्धता व्यक्त गर्‍यो।

३० जेठ, काठमाडौं । नेपालको सबैभन्दा ठूलो पेन्ट कम्पनी ‘एसियन पेन्ट्स नेपाल’ ले आफ्नो वार्षिक कार्यक्रम ‘कलर नेक्स्ट २०२५’ कार्यक्रम आयोजना गरेको छ ।

काठमाडौं ताहाचलस्थित सोल्टी होटलमा शुक्रबार कार्यक्रम गरी २०२५ को ‘रङ’ का रूपमा ‘कार्डिनल’ रङको घोषणा गर्‍यो । जसले नेपालमा डिजाइन, नवीनता र रचनात्मक संवादमा एसियन पेन्ट्सको प्रतिबद्धता झल्काउने बताइएको छ ।

कलर नेक्स्ट २०२५ कार्यक्रममा नामी आर्किटेक्ट, इन्टेरियर डिजाइनर, कलाकार, इन्फ्लुएन्सर, रचनात्मक तथा मिडिया क्षेत्रका व्यक्तिहरूको सहभागिता थियो ।

विश्वव्यापी रूपमा रङ र फिनिसिङमा अग्रणी सोच निर्माण गर्ने एसियन पेन्ट्सले सन् २००३ देखि ‘ट्रेन्ड फोरकास्ट’ क्षेत्रमा काम गर्दै आएको छ ।

कलर नेक्स्ट एसियन पेन्ट्सले हरेक वर्ष गर्दै आएको व्यापक अभ्यास हो, जसमा मानव व्यवहारमा प्रभाव पार्ने विश्वव्यापी सामाजिक–सांस्कृतिक प्रविधिहरूको अध्ययन गरिन्छ र त्यसलाई कलर, मेटरियल, फिनिसेस र टेक्स्चरको नयाँ डिजाइन दिशामा रूपान्तरण गरिन्छ ।

यस प्रक्रियामा उद्योगसँगको अन्तर्क्रिया, सांस्कृतिक विज्ञहरूसँग कार्यशाला र व्यापक द्वितीयक अनुसन्धान समावेश हुन्छ, जसले डिजाइन र डेकोर उद्योगका लागि महत्त्वपूर्ण अन्तरदृष्टि प्रदान गर्ने कमपनीले जनाएको छ ।

कार्यक्रममा एसियन पेन्ट्सका क्षेत्रीय प्रमुख (ग्लोबल) बुद्धादित्य मुखर्जीले नेपालमा डेकोर उद्योगमा डिजाइन, नवप्रवर्तन र रचनात्मक संवादलाई नेतृत्व दिने कम्पनीको प्रतिबद्धता दोहोर्‍याए ।

कार्यक्रमको अर्को विशेष आकर्षणमा ट्रेन्ड फोरकास्ट प्रस्तुति थियो, जुन एसियन पेन्ट्सकी प्रिन्सिपल स्पेसलिस्ट (कलर) मरिशा रेगो डिसुजाले प्रस्तुत गरिन् । उनले २०२५ का लागि तीन प्रमुख डिजाइन प्रवृत्ति सार्वजनिक गरिन् । जसमा साल्ट, फिल मोर र ब्याड टेस्ट थिए ।

उनका अनुसार यी सबै ट्रेन्डले बदलिँदो जीवनशैली र त्यसले ल्याउने भावनात्मक तथा स्थानगत आवश्यकताको सुक्ष्म व्याख्या गर्छन् ।

कार्डिनल कलर अफ द इयरले यी सबै ट्रेन्डलाई समेट्दै भावनात्मक रूपमा समृद्ध, अनुभवमुलक र सोच उत्पन्न गर्ने स्थान निर्माण गर्ने सन्देश दिने कम्पनीको भनाइ छ ।

कलर नेक्स्ट २०२५ मार्फत एसियन पेन्ट्स नेपालले फेरि एकपटक सिर्जनात्मक अभिव्यक्तिको उत्प्रेरक, डिजाइन संवादमा अगुवा र सजावट र घरको सौन्दर्यका लागि समग्र समाधान प्रदान गर्ने ब्रान्डका रूपमा आफ्नो स्थान मजबुत पारेको कम्पनीको भनाइ छ ।