दरमखोला हाइड्रो इनर्जीको आईपीओ असार ९ देखि खुल्ने

News Summary

Generated by OK AI. Editorially reviewed.

दरमखोला हाइड्रो इनर्जीको आईपीओ असार ९ गतेदेखि खुल्नेछ, जसमा वैदेशिक रोजगार र आयोजना प्रभावित स्थानीयलाई प्राथमिकता दिइनेछ।
कम्पनीले १ अर्ब ३ करोड ५ लाख रुपैयाँको ३८.३३ प्रतिशत सेयर सर्वसाधारणमा निष्कासन गर्न लागेको हो, जसमा ५८ हजार ३९० र १० लाख ३० हजार ५ सय कित्ता सेयर छुट्याइएको छ।
आयोजना प्रभावितका लागि आवेदन असार २३ देखि साउन ६ सम्म खुला रहनेछ, र वैदेशिक रोजगारले अनलाइन प्रणालीबाट आवेदन दिन सक्नेछन्।

१ असार, काठमाडौं । दरमखोला हाइड्रो इनर्जीको आईपीओ असार ९ गतेदेखि खुल्ने भएको छ । पहिलो चरणमा वैदेशिक रोजगारमा रहेका र आयोजना प्रभावित स्थानीयका लागि कम्पनीको आईपीओ खुल्न लागेको हो ।

कम्पनीले जारी पूँजी १ अर्ब ३ करोड ५ लाख रुपैयाँको ३८.३३ प्रतिशत सेयर सर्वसाधारण समूहमा निष्कासन गर्न लागेको छ । सर्वसाधारण समूहको कुल ३९ लाख ५० हजार कित्ता सेयर मध्ये वैदेशिक रोजगारमा रहेकालाई ५८ हजार ३९० कित्ता तथा आयोजना प्रभावितलाई १० लाख ३० हजार ५ सय कित्ता सेयर निष्कासन हुन लागेको हो ।

आयोजना प्रभावितका रुपमा गुल्मीको मुसीकोट नगरपालिका, बाग्लुङ जिल्लाको गल्कोट नगरपालिका, बाग्लुङको बडीगाड गाउँपालिकामा स्थायी बसोबास गर्ने नेपाली नागरिक हुन् ।

आयोजना प्रभावित स्थानीयले छिटोमा असार २३ गतेसम्म तथा ढिलोमा साउन ६ गतेसम्म आवेदन दिन सक्नेछन् । स्थानीयका लागि ग्लोबल आइएमई बैंकको वामी शाखा, लक्ष्मी सनराइज बैंकको गल्कोट शाखा, प्रभु बैंकको गल्कोट शाखा र दरम खोला पावरहाउस आवेदन केन्द्र रहेका छन् ।

त्यस्तै वैदेशिक रोजगारमा रहेकाले असार २३ गतेसम्म अनलाइन प्रणाली मेरो सेयरमार्फत आवेदन दिन सक्नेछन् । कम्पनीले बागलुङको गलकोटमा ९.६ मेगावाट क्षमताको जलविद्युत् आयोजना निर्माण गरेको छ । आयोजनाको कुल लागत २ अर्ब ३८ करोड अनुमान गरिएको छ । प्रतिमेगावाट लागत २५ करोड अनुमान छ ।