डेंगु रोक्न ४ महिना निर्माणको काम नगर्न स्वास्थ्यमन्त्रीको प्रस्ताव

फाइल तस्वीर

News Summary

Generated by OK AI. Editorially reviewed.

स्वास्थ्यमन्त्री प्रदीप पौडेलले डेंगु नियन्त्रणका लागि साउनदेखि कात्तिकसम्म ४ महिना कुनै पनि निर्माणको काम नगर्न प्रस्ताव गरेका छन्।
मन्त्री पौडेलले सबै सरकारी कार्यालयलाई लार्भारहित बनाउने अभियानमा लाग्न आह्वान गर्दै डेंगु संक्रमण उच्च हुने टायरहरू व्यवस्थापन गर्न आग्रह गरे।
उनले डेंगु सचेतना अभियान फैलाउन र हरेक शुक्रबार प्रभावकारी सरसफाइमा लाग्न सबैलाई आग्रह गरे।

३२ असार, काठमाडौ । स्वास्थ्य तथा जनसंख्यामन्त्री प्रदीप पौडेलले डेंगु नियन्त्रण गर्न ४ महिना कुनै पनि निर्माणको काम नगर्न प्रस्ताव गरेका छन् ।

बुधबार ‘साउन डेंगु सचेतना महिना’ घोषणा कार्यक्रममा बोल्दै मन्त्री पौडेलले सबै सरकारी कार्यालयहरूलाई लार्भारहित बनाउने अभियानमा लाग्न आह्वान पनि गरे ।

‘साउनदेखि कात्तिकसम्म ४ महिना कुनैपनि निर्माणको काम नगरौँ । निर्माणका सामग्री यत्रतत्र फाल्ने काम नगरौँ । कहीँ पनि खाल्डो नखनौँ । यो ४ महिना कतै पनि पानी परेको छ भने त्यो जम्न नदिऔं,’ उनले भने ।

उनले लार्भा उत्पादन हुने आधार क्षेत्रलाई नष्ट गर्न सरसफाई अभियान सुरु गर्न पनि आग्रह गरे ।

डेंगुको संक्रमण उच्च हुने यी ४ फालिएका टायरहरू व्यवस्थापन गर्न आग्रह गरे ।

मन्त्री पौडेलले डेंगुबारे सचेतना अभियान फैलाउनसके डेंगु फैलिनबाट रोक्न सकिने बताए । ‘व्यक्तिमा चेतना फैलाउन जरुरी छ । संयुक्त ढंगबाट मिलेर यो अभियानलाई अघि बढाउनु पर्छ,’ उनले भने ।

मन्त्री पौडेलले डेंगुबाट जोगिन आफू बसेको ठाउँलाई लार्भारहित बनाउन आग्रह गरे । आफूले आफूलाई सुरक्षा गर्नसके मात्रै अरुलाई सहयोग गर्न सकिने उनले बताए ।

साउनदेखि कात्तिकसम्म हरेक शुक्रबार प्रभावकारी रूपमा सरसफाइमा लाग्न उनले सबैलाई आग्रह गरे ।