News Summary
Generated by OK AI. Editorially reviewed.- नेकपा माओवादी केन्द्रका सांसद माधव सापकोटाले भ्रष्टाचारमा आरोपित सांसद मोहनबहादुर बस्नेतलाई सिन्धुपाल्चोकका सीडीयोले प्रमुख अतिथि बनाएको प्रश्न उठाए।
- सापकोटाले निलम्बनमा रहेका बस्नेतलाई सरकारी कार्यक्रममा प्रमुख अतिथिका रूपमा राख्नु संसद्को अवमूल्यन भएको बताए।
- उनले गृहमन्त्रालयले आधिकारिक धारणा दिनुपर्ने र अख्तियार दुरुपयोग अनुसन्धान आयोगको ध्यानाकर्षण गर्नुपर्ने माग गरे।
७ साउन, काठमाडौं । भ्रष्टाचारमा आरोपित भएर निलम्बनमा परेका सांसदलाई प्रमुख जिल्ला अधिकरी (सीडीओ) प्रमुख अतिथि बनाएको भनेर नेकपा माओवादी केन्द्रका सांसद माधव सापकोटाले प्रश्न उठाएका छन् ।
बुधबार प्रतिनिधिसभाको बैठकमा बोल्दै उनले टेरामक्स प्रकरणमा संलग्न रहेको आरोपमा अदालतमा मुद्दा दर्ता भएर कानुनी रूपमा सांसद पदबाट निलम्बनमा परेका मोहनबहादुर बस्नेतलाई सिन्धुपाल्चोकका सीडीओले प्रमुख अतिथि बनाएको बताएका हुन् ।
सीडीओले सरकारी कार्यक्रमको आयोजना गरेर सांसद पदबाट निलम्बनमा रहेका व्यक्तिलाई प्रमुख अतिथिको रूपमा आमन्त्रण गरिएको र शासनका साथ मञ्चमा राखेर फोटो खिचेर जिल्ला प्रशासन कार्यलयले आफ्नो सामाजिक सञ्जालमा राखेको बताए ।
‘यही संसद्ले सार्वजनिक पद निलम्बन गरेको हो । सरकारी कार्यक्रममा निलम्बनमा परेका र कानुनी रूपमा मुद्दा समेत लागेका व्यक्तिलाई प्रमुख अतिथिका रूपमा आमन्त्रण गरेर राख्नु भनेको यो संसद्को समेत अवमूल्यन हो,’ सापकोटाले भने ।
यो विषयमा गृहमन्त्रालयले आधिकारित धारणा दिनुपर्ने उनको माग छ । अख्तियार दुरुपयोग अनुसन्धान आयोग र हेलो सरकार सबैको ध्यानाकर्षण गर्न समेत चाहेको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4