एक खुट्टाले नाचेर प्रसिद्धि कमाएकी नृत्यांगना सीता सुवेदीको निधन

News Summary

Generated by OK AI. Editorially reviewed.

चर्चित नृत्यांगना सीता सुवेदीको ४० वर्षको उमेरमा फोक्सोको क्यान्सरले पीडित भएर त्रिवि शिक्षण अस्पतालमा निधन भएको छ।
उनी १ महिनादेखि अस्पतालको भेन्टिलेटरमा थिइन् र उनको दाहसंस्कार चितवनमा मंगलबार गरिनेछ।
सुवेदीले एक खुट्टाले नाचेर क्लासिक नेपाल फाउन्डेसन स्थापना गरिन् र मिस इन्टरनेसनल २०२३ समेत थिइन्।

काठमाडौं । चर्चित नृत्यांगना सीता सुवेदीको ४० वर्षको उमेरमा मंगलबार बिहान निधन भएको छ । ३ महिनादेखि फोक्सोको क्यान्सरले पीडित उनको निधन बिहान साढे ६ बजे त्रिवि शिक्षण अस्पतालमा भएको परिवारले जनाएको छ ।

उनी १ महिनादेखि अस्पतालको भेन्टिलेटरमा थिइन् । चितवन घर भएकी सुवेदीको दाहसंस्कार मंगलबार गरिने भएको छ ।

उनले एक खुट्टाले नाचेर पहिचान बनाएकी थिइन् । उनी क्लासिक नेपाल फाउन्डेसनकी संस्थापक, मिस इन्टरनेसनल २०२३, प्रेरक वक्ता, गायिका, इन्टरमिडिएट–लेभल कत्थक नृत्यमा स्वर्ण पदक विजेता थिइन् ।

उनले १०० भन्दा धेरै स्टेजमा प्रस्तुति दिएकी थिइन् । साथै, अन्तर्राष्ट्रियस्तरमा हुने इभेन्टमा पनि मुलुकको प्रतिनिधित्व गरेकी थिइन् ।