‘मिस युनिभर्स नेपाल २०२५’ को उपाधि सान्या अधिकारीलाई

News Summary

Generated by OK AI. Editorially reviewed.

सान्या अधिकारीले काठमाडौंको रोयल टुलिप होटलमा आयोजित मिस नेपाल युनिभर्स २०२५ को उपाधि जितेकी छन्।
आरोही बस्नेत प्रथम उपविजेता, सोनालिशा ढुंगाना द्धितीय उपविजेता र एलिना यारी तृतीय उपविजेता घोषित भएका छन्।
अधिकारीले २ लाख नगद र उपहारसहित २१ नोभेम्बरमा थाइल्याण्डको बैंककमा हुने मिस युनिभर्स ७४ औं प्रतियोगितामा नेपालको प्रतिनिधित्व गर्नेछिन्।

काठमाडौं । ‘मिस नेपाल युनिभर्स २०२५’को उपाधि सान्या अधिकारीले जितेकी छन् । ललितपुरस्थित रोयल टुलिप होटलमा बुधबार बेलुका आयोजित ग्रान्ड फिनालेमा १४ सुन्दरीले प्रतिस्पर्धा गरेका थिए ।

आरोही बस्नेत प्रथम उपविजेता, सोनालिशा ढुंगाना द्धितीय उपविजेता, एलिना यारी तृतीय उपविजेता र ज्योती थापा चौैथो उपविजेता घोषित भए ।

विजेता अधिकारीले २ लाख नगदसहित हजारौं रकम बराबरका उपहारहरू प्राप्त गरेकी छन् । उनले आउँदो २१ नोभेम्बरमा थाइल्याण्डको बैंककमा हुने ७४ औं मिस युनिभर्स प्रतियोगितामा नेपालको प्रतिनिधित्व गर्नेछिन् ।

ग्लोबल ग्ल्यामर भेन्चरले केही वर्षयता नेपालमा मिस युनिभर्स प्रतियोगिता आयोजना गर्दै आएको छ । मिस युनिभर्स संसारका शीर्ष ५ सौन्दर्य प्रतियोगितामध्ये पर्छ ।