प्रहरी परिसर काठमाडौंमा सुदन गुरुङ लगायत जेनजी समूह, शीर्ष नेता पक्रन माग

News Summary

Generated by OK AI. Editorially reviewed.

सुदन गुरुङ नेतृत्वको जेनजी समूहले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकसहितका नेताहरूलाई पक्राउ गर्न जिल्ला प्रहरी परिसर काठमाडौं पुगेको छ।
मंगलबार जेनजी समूहले माईतीघरमा ब्यानर टाँसेर तत्कालीन प्रधानमन्त्री ओली र गृहमन्त्री लेखकलाई पक्राउ गर्न विरोध जनाएको छ।
प्रहरीले प्रधानमन्त्रीबाट लिखित जवाफ आएपछि मात्रै जाहेरी दर्ता गर्ने र जेनजी प्रतिनिधिहरूलाई फर्काएको छ।

२१ असोज, काठमाडौं । सुदन गुरुङ लगायतको जेनजी समूह पूर्वप्रधानमन्त्रीहरूलाई पक्राउ गर्न माग गर्दै जिल्ला प्रहरी परिसर काठमाडौं पुगेको छ ।

पूर्वप्रधानमन्त्री एवं नेकपा एमाले अध्यक्ष केपी शर्मा ओली, पूर्वगृहमन्त्री रमेश लेखकसहितका नेताहरूलाई पक्राउ गर्न माग गर्दै परिसर पुगेको हो ।

मंगलबार अपरान्ह गुरुङ लगायतको जेनजी समूहले माईतीघरमा केही शीर्ष नेताहरू पक्राउ गर्न ब्यानर टाँसेर विरोध जनाएका छन् । जेनजी आन्दोलनमा दमनकारी भूमिका निभाएको भन्दै तत्कालीन प्रधानमन्त्री ओली र तत्कालीन गृहमन्त्री लेखकलाई पक्राउ गर्न माग गर्दै जेनजीले दबाब बढाइरहेका छन् ।

यसबारे तीन वटै सुरक्षा निकायहरूसँग अन्तरिम सरकारका प्रधानमन्त्री सुशीला कार्कीले छलफल समेत गरेकी बताइएको छ ।

प्रहरीले भने प्रधानमन्त्रीबाट लिखित जवाफ आएपछि मात्रै जाहेरी दर्ता गर्न सकिने र बाँकी प्रक्रिया अघि बढाउने भन्दै जाहेरी दर्ता गर्न पुगेका जेनजी प्रतिनिधिहरूलाई फर्काएको थियो ।