‘मिस कोस्मो’ मा भाग लिन भियतनाम उडिन् दीपशिखा (तस्वीर)

News Summary

Generated by OK AI. Editorially reviewed.

मिस नेपाल कोस्मो दीपशिखा नेपाल बुधबार बिहान सौन्दर्य प्रतियोगिता 'मिस कोस्मो २०२५' मा सहभागी हुन प्रस्थान गरेकी छन्।
मिस नेपाल वर्ल्ड लुना लुइँटेल, मिस नेपाल अर्थ सोनी घले र द हिडन ट्रेजरका अध्यक्ष अजय स्थापितले दीपशिखालाई त्रिभुवन अन्तर्राष्ट्रिय विमानस्थलमा शुभकामना दिए।
'मिस कोस्मो २०२५' को ग्रान्ड फिनाले २० डिसेम्बरमा भियतनामको चि मिन्ह सहरमा आयोजना हुँदैछ र ८० मुलुकका डेलिगेट्सले प्रतिस्पर्धा गर्नेछन्।

काठमाडौं । सौन्दर्य प्रतियोगिता ‘मिस कोस्मो २०२५’ मा सहभागी हुन ‘मिस नेपाल कोस्मो’ दीपशिखा नेपाल बुधबार बिहान त्यसतर्फ प्रस्थान गरेकी छन् ।

त्रिभुवन अन्तर्राष्ट्रिय विमानस्थलमा उनलाई मिस नेपाल वर्ल्ड लुना लुइँटेल, मिस नेपाल अर्थ सोनी घले र द हिडन ट्रेजरका अध्यक्ष अजय स्थापित लगायतले शुभकामनासहित बिदाइ गरे ।

‘मिस कोस्मो’ सन् २०२४ बाट सुरु भएको हो । दोस्रो संस्करणको ग्रान्ड फिनाले २० डिसेम्बर २०२५ मा तय छ । फिनाले भियतनामको हो चि मिन्ह सहरको क्रिएटिभ पार्कमा आयोजना हुँदैछ ।

त्यसअघि भियतनामका विभिन्न सहर र प्रदेशमा सांस्कृतिक र सामाजिक प्रदर्शनहरू हुने आयोजक युनि-मिडियाले जनाएको छ । ८० मुलुकका डेलिगेट्सले यस संस्करणमा प्रतिस्पर्धा गर्दैछन् ।

यसैबीच, ‘मिस इन्टरनेसनल २०२५’ को ग्रान्ड फिनाले विहिबार जापानको टोक्योमा आयोजना हुँदैछ । जहाँ, मिस नेपाल इन्टरनेसनल उरुषा भण्डारीले उपाधिका लागि प्रतिस्पर्धा गर्दैछिन् ।