News Summary
Generated by OK AI. Editorially reviewed.- कालिन्चोक हाइड्रोपावरले १३ करोड ७५ लाख रुपैयाँ बराबरको १३ लाख ७५ हजार कित्ता आईपीओ बुधबारदेखि सर्वसधारण समूहमा खुलाएको छ।
- आयोजना प्रभावित स्थानीय र वैदेशिक रोजगारमा रहेका व्यक्तिहरूलाई क्रमशः ५ लाख ५० हजार र ८२ हजार ५०० कित्ता सेयर छुट्याइएको छ।
- कम्पनीले दोलखा जिल्लामा ५ मेगावाट क्षमताको आयोजना निर्माण गरेको छ र कुल लागत १ अर्ब २० करोड रुपैयाँ रहेको छ।
१३ फागुन, काठमाडौं । आयोजना प्रभावित स्थानीय र वैदेशिक रोजगारमा रहेकालाई बुधबारदेखि कालिन्चोक हाइड्रोपावरको आईपीओ खुलेको छ ।
कम्पनीले जारी पूँजी ५५ करोड रुपैयाँको २५ प्रतिशत अर्थात १३ करोड ७५ लाख रुपैयाँ बराबरको १३ लाख ७५ हजार कित्ता सेयर सर्वसधारण समूहमा निष्कासन गर्न लागेको हो ।
जसमध्ये ५ लाख ५० हजार कित्ता आयोजना प्रभावित स्थानीयबासी र ८२ हजार ५०० कित्ता सेयर वैदेशिक रोजगारमा रहेकालाई आजबाट खुलेको हो । प्रभावित स्थानीयका रुपमा दोलखा जिल्लाको बिगु नगरपालिका वडा नम्बर ८ तथा कालिन्चोक गाउँपालिका १ र २ का स्थानीय पर्छन् ।
वैदेशिक रोजगारमा रहेकाले अनलाइन प्रणाली मेरोसेयरमार्फत आवेदन दिन सक्नेछन् भने प्रभावित स्थानीयले सिंगटीस्थित नेपाल बैंक, सिन्धु विकास बैंक र नेपाल इन्भेस्टमेन्ट बैंकका शाखाबाट आवेदन दिन सक्नेछन् ।
दुवै समूहले न्यूनतम १० तथा अधिकतम १० हजार कित्ताका लागि आवेदन दिन सक्ने बिक्री प्रवन्धक आरबीबी मर्चेन्ट बैंकिङले जनाएको छ ।
प्रभावित स्थानीयले छिटोमा फागुन २७ र ढिलोमा चैत १३ गतेसम्म आवेदन दिन सक्नेछन् । वैदेशिक रोजगारमा रहेकाले छिटोमा फागुन १७ गते र ढिलोमा फागुन २७ गतेसम्म आवेदन दिन सक्नेछन् ।
कम्पनीले दोलखा जिल्लामा बग्ने साँगुखोलाबाट ५ मेगावाट क्षमतामा आयोजना निर्माण गरेको छ ।
आयोजनाको कुल लागत १ अर्ब २० करोड रुपैयाँ रहेको छ भने प्रतिमेगावाट लागत २४ करोड १४ लाख रुपैयाँ रहेको छ । साधारण लगानी फिर्ता अवधि ९.१९ वर्ष तथा डिस्काउन्टमा लगानी फिर्ता अवधि १५.३६ वर्ष छ ।
केयर रेटिङ नेपालले कम्पनीलाई बीबी स्तर प्रदान गरेको छ। यसले कम्पनीको दायित्व बहन गर्ने क्षमता मध्यमस्तरमा रहेको जनाउँछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4