चलचित्र विधेयक प्रतिनिधिसभामा टेबुल

News Summary

Generated by OK AI. Editorially reviewed.

राष्ट्रिय सभाबाट पारित चलचित्र विधेयक प्रतिनिधिसभामा टेबुल भएको छ।
चलचित्र विधेयक २०८२ साल वैशाख १४ गते दर्ता गरी माघ २८ गते पारित गरिएको थियो।
यो विधेयकले चलचित्र क्षेत्रलाई सामाजिक, सांस्कृतिक र मनोरञ्जनात्मक उद्योगको रुपमा विकास गर्ने लक्ष्य राखेको छ।

काठमाडौं । राष्ट्रिय सभाबाट पारित भएर अगाडि बढेको चलचित्र विधेयक प्रतिनिधिसभामा टेबुल भएको छ ।

प्रतिनिधिसभाका सचिव हर्कराज राईले राष्ट्रिय सभाबाट यो विधेयक पारित भएर आएको सन्देश मंगलबारको प्रतिनिधिसभाको बैठकमा टेबुल गरेका हुन् ।

यो विधेयक तत्कालीन सञ्चार तथा सूचना प्रविधिमन्त्री पृथ्वीसुब्बा गुरूङले २०८२ साल वैशाख १४ गते राष्ट्रिय सभामा दर्ता गरेका थिए ।

राष्ट्रिय सभाले दफावार छलफल गरेर संशोधनसहित गत माघ २८ गते पारित गरेको थियो । राष्ट्रिय सभाबाट पारित भएर आएको विधेयक प्रतिनिधिसभाले अगाडि बढाउन लागेको हो ।

प्रतिनिधिसभामा यो विधेयक प्राप्त भएको सन्देश टेबुल भए सँगै सभामा थप प्रक्रिया अगाडि बढ्नेछ ।

विक्रम संवत् २०२६ सालमा बनेको चलचित्र ऐनलाई समयसापेक्ष परिमार्जन गरी समावेशी एवम् संघीय संरचना र नयाँ प्रविधिअनुरूप बनाउन सरकारले नयाँ चलचित्र सम्बन्धी विधेयक ल्याएको हो ।

चलचित्र क्षेत्रलाई सामाजिक, सांस्कृतिक र मनोरञ्जनात्मक उद्योगको रुपमा विकास गर्न, चलचित्र मार्फत देशलाई पर्यटन गन्तव्यको रुपमा अगाडि बढाउने यसको उदेश्य छ ।

स्वदेशी तथा विदेशी चलचित्र प्रदर्शन गर्नु अघि चलचित्र जाँच गर्ने व्यवस्था गर्न तथा स्वदेशी चलचित्रको विकास, विस्तार, प्रवर्धन र नियमन गर्न आवश्यक भएको भनिएको छ ।

यो पनि पढ्नुहोस