मानसरोवरबाट फर्किने पर्यटकलाई एक सातासम्म हिल्सामा पदयात्रा दस्तुर मिनाहा

News Summary

Generated by OK AI. Editorially reviewed.

रसुवागढी नाकाको बाढीका कारण सरकारले मानसरोवरबाट नेपाल फर्कने पर्यटकलाई हुम्लास्थित हिल्सा नाकाबाट प्रवेशमा एक साताका लागि दस्तुर मिनाहा गरेको छ।
अध्यागमन विभागका अनुसार ११ भदौदेखि लागू हुने छुट तातोपानी र हिल्सा नाकाबाट फर्कने विकल्पसँगै व्यवस्था गरिएको हो।
हिल्सा नाकाबाट फर्कने क्रममा समस्या भए विभागका सूचना अधिकारीमार्फत सम्पर्क गर्न सकिने जनाइएको छ।

१२ भदौ, काठमाडौं । सरकारले मानसरोवर यात्राबाट नेपालको बाटो हुँदै फर्कने पर्यटकलाई हिल्सा नाकाबाट प्रवेश गर्दा एक साताका लागि दस्तुर मिनाहा गरेको छ ।

अध्यागमन विभागका अनुसार रसुवागढी नाका हुँदै प्रवेश गरेका पर्यटकले अब सिन्धुपाल्चोकको तातोपानी नाका र हुम्लास्थित हिल्सा नाकाबाट फर्कने विकल्प छ ।

हिल्सामा सामान्य अवस्थामा प्रवेश गर्दा भने नेपाल सरकारले निषेधित क्षेत्रको पदयात्राका लागि दस्तुर तिरेपछि मात्र अनुमति दिने गर्छ ।

तर, रसुवागढी नाकामा आएको बाढीले उक्त क्षेत्र हुँदै यात्रा गर्न सम्भव नभएपछि सरकारले हिल्सा नाकाबाट फिर्ता हुनेका लागि सहजीकरण गरेको हो ।

अध्यागमन विभागका अनुसार ११ भदौदेखि लागु हुने गरी एक साताका लागि हिल्सामा दस्तुर छुट दिइएको छ । साथै, सोही क्षेत्रको अनुमतिका लागि विदेशी नागरिक र ट्रेकिङ गाइडको बीमा तथा ट्रेकिङ गाइड सम्बन्धी व्यवस्था समेत अनिवार्य गरिएको छैन ।

सोही भेग हुँदै नेपाल फर्कने क्रममा कुनै कठिनाइ भए विभागका सूचना अधिकारी सहित विभागमा सम्पर्क गर्न सकिने समेत जनाइएको छ ।