News Summary
Generated by OK AI. Editorially reviewed.- त्रिशूलीको बाढीले धादिङको कृष्णभीरमा पृथ्वी राजमार्ग अवरुद्ध भएपछि हेटौंडा–काठमाडौं सडकमा सवारी चाप बढेको छ।
- मकवानपुर प्रशासनले १४ सिटभन्दा कमका सवारीलाई हेटौंडा–काठमाडौं आवतजावतमा फरक-फरक वैकल्पिक मार्ग प्रयोग गर्न सूचना जारी गरेको छ।
- मालवाहक तथा ठूला यात्रुवाहक सवारीले काठमाडौँ जाँदा त्रिभुवन राजपथ र फर्किंदा कान्ति राजमार्ग प्रयोग गर्नुपर्ने प्रशासनले जनाएको छ।
१६ भदौ, काठमाडौं । त्रिशूलीमा आएको बाढीले पृथ्वी राजमार्गको कृष्णभिरमा सडक अवरुद्ध बनेपछि हेटौंडा–काठमाडौं सडकमा सवारी चाप बढेको छ । जसका कारण हेटौंडा–काठमाडौं सडकमा आजदेखि साना यात्रुवाहक सवारीका लागि आउँदा र जाँदा फरक-फरक मार्ग प्रयोग गर्नुपर्ने भएको छ ।
स्थानीय प्रशासनले जारी गरेको सूचना अनुसार १४ सिटभन्दा कम क्षमताका सवारीसाधन भीमफेदी–कुलेखानी–सिस्नेरी–दक्षिणकाली हुँदै जानेछन् । काठमाडौँबाट हेटौँडा आउने सवारी फर्पिङ–फाखेल–कुलेखानी–भीमफेदी हुँदै आउनुपर्ने छ ।
जिल्ला प्रशासन कार्यालय मकवानपुरका प्रशासकीय अधिकृत सन्तोष सुवेदीका अनुसार, मालवाहक तथा ठूला यात्रुवाहक सवारीसाधनले काठमाडौँ जाँदा त्रिभुवन राजपथ र फर्किंदा कान्ति राजमार्ग प्रयोग गर्नुपर्नेछ ।
पृथ्वी राजमार्गअन्तर्गत धादिङको कृष्णभीरमा सडक अवरुद्ध भएपछि हेटौँडा हुँदै काठमाडौँ आवतजावत गर्ने सवारीको चाप बढेको उनको भनाइ छ ।
प्रशासनले मकवानपुरको त्रिभुवन राजपथ नजिक रहेको बेलिब्रिजको भारवहन क्षमता कमजोर रहेको भन्दै इन्धन तथा भारी मालवाहक सवारीसाधनलाई उक्त बाटो प्रयोग नगरी सँगै रहेको डाइभर्सन मार्फत सञ्चालन गर्न अनुरोध गरेको छ।
नयाँ व्यवस्थाले वैकल्पिक सडकमा हुने सवारी जाम तथा लामो समय सवारी रोक्नुपर्ने अवस्थाको अन्त्य हुने विश्वास प्रशासनको छ ।
प्रशासनले तोकेको व्यवस्थाको पालना गरी सवारी आवागमनलाई सहज, सुरक्षित र व्यवस्थित बनाउन चालक, यातायात व्यवसायी तथा यात्रुहरूलाई अनुरोध गरेको छ।
हेर्नुहोस् सूचना :
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4