रसुवा बाढीलाई ०७२ को भूकम्पसँग जोडेर अपव्याख्या गर्न खोजिएको भन्दै सरकारको ध्यानाकर्षण

३१ भदौ, काठमाडौं । रसुवाको भोटेकोशीमा गएको बाढीको कारण २०७२ सालको भूकम्पसँग जोडेर अपव्याख्या गर्न खोजिएको भन्दै सत्तारुढ दल रास्वपा सांसद धनन्वय रेग्मीले सरकारको ध्यानाकर्षण गरेका छन् ।

प्रतिनिधिसभाको बैठकमा बोल्दै उनले भने, ‘हिजो मात्रै वर्ल्ड वेदर एट्रीब्युसनको एउटा रिपोर्ट बनाएको छ । त्यसमा क्लाइमेट चेन्ज भएको कुरालाई त स्वीकार गरिएको छ तर कता कता २०१५ को अर्थक्वेक (भूकम्प) ले गर्दा हिमाली क्षेत्रहरू कमजोर भएर बसेको थियो, त्यसैले यो कुरा भयो भने जसरी आएको छ ।’

यसैलाई उनले रसुवा बाढीको कारण २०७२ सालको भूकम्पसँग जोडेर अपव्याख्या गर्न खोजिएको रुपमा लिएर सरकारको ध्यानाकर्षण गरेका हुन् ।

‘कता कता यो जुन क्लाइमेट चेन्ज थियो त्यसलाई कतै भूकम्प तिर जोडेर हाम्रो अहिलेको जुन हाम्रो जिकिर छ त्यसलाई कमजोर बनाउन खोजिएको त हैन ? जस्तो लागिरहेछ,’ उनले भने ।

यो बेला इसीमोड लगायत जुन जुनसुकै संस्था हुन् नेपालका विश्वविद्यालय सबैले सबै जुन डाटा पनि अगाडि लिएर आउँछन् तिनले तथ्यमा र वैज्ञानिक अनुसन्धानमा आधारित भएका डाटालाई अगाडि सार्नुपर्ने उनले बताए ।

तथ्यसहितको तिनै डाटालाई लिएर प्रधानमन्त्रीको युएनको महासभामा एटेन्डा राख्नुपर्छ पनि आग्रह गरे ।

उनका अनुसार, रसुवामा आएको विनाशकारी बाढी जलवायु परिवर्तनका कारणले आएको हो । थप अन्य केही साइन्टिफिक एभिडेन्स आएपछि त्यसमा अन्य कुराहरू पनि आउन सक्ने बताए ।

उनले भनेका छन्, ‘क्लाइमेट जस्टिस र क्लाइमेट फाइनान्सको कुरा र त्यसमा कुरा के आइरहेका छन् । यसकबारे नेपालसँग जति साइन्टिफिक एभिडेन्स छन् त्यसलाई युएन महासभामा गएर कुरा गरिराख्दा यसलाई प्रमाणित गर्न सकौं ।’

उनका अनुसार नेपालका डाटा एकातिर छदै छन् भने अर्कोतिर इसीमोडले गरेका केही अध्ययनहरू/अनुसन्धानहरु छन् । जसले विशेषगरी सेटलाइट इमेजबाट हिमाली क्षेत्रमा परिवर्तन आएको, हिमनदीहरू साना कोठाका आकारबाट दुई दुई किलोमिटर लामा भएको देखाएको उनले बताए ।

अझ प्रमाणै हेर्दै जाँदा अन्तर्राष्ट्रिय जर्नलहरूमा प्रकाशित भएका जर्नलहरूलाई हेर्न सकिने उनले सुझाए ।