News Summary
Generated by OK AI. Editorially reviewed.- चालु आर्थिक वर्ष २०८३/८४ को साउनमा वार्षिक बिन्दुगत उपभोक्ता मुद्रास्फीति ५.९६ प्रतिशत पुगेको नेपाल राष्ट्र बैंकले जनाएको छ ।
- राष्ट्र बैंकका अनुसार खाद्य तथा पेय पदार्थ समूहको मुद्रास्फीति ६.७७ प्रतिशत र गैरखाद्य तथा सेवा समूहको ५.५२ प्रतिशत छ ।
- ग्रामीण क्षेत्रमा महँगी ६.१८ प्रतिशत र सहरी क्षेत्रमा ५.८८ प्रतिशत पुगेको छ, सबैभन्दा धेरै मधेसमा ६.९४ प्रतिशत छ ।
२ असोज, काठमाडौं । चालु आर्थिक वर्ष २०८३/८४ पहिलो महिना साउनमा वार्षिक बिन्दुगत उपभोक्ता मुद्रास्फीति ५.९६ प्रतिशत पुगेको छ ।
नेपाल राष्ट्र बैंकका अनुसार गत वर्ष साउनमा यो १.६८ प्रतिशतमात्र थियो । यसले नेपालमा महँगी ह्वात्तै बढेको देखाउँछ ।
राष्ट्र बैंकले शुक्रबार सार्वजनिक गरेको देशको वर्तमान आर्थिक तथा वित्तीय स्थिति प्रतिवेदन अनुसार महँगीको मार सबैभन्दा धेरै खाद्यान्न र यातायातमा परेको छ ।
यस अवधिमा खाद्य तथा पेय पदार्थ समूह अन्तर्गत घिउ तथा तेलमा १५.६२ प्रतिशत मूल्य बढेको छ । फलफूलमा १५.३९ प्रतिशत, माछा तथा मासु ८.६५, तरकारी ६.९० र मरमसलाको मूल्य ४.८० प्रतिशत वृद्धि भएको छ ।
त्यस्तै खाद्य तथा पेय पदार्थ समूहको मुद्रास्फीति समग्रमा ६.७७ प्रतिशत छ । गैरखाद्य तथा सेवा समूहको ५.५२ प्रतिशत छ । गैरखाद्यतर्फ सबैभन्दा धेरै महँगी यातायातमा १३.१७, मदिरा ७.२०, कपडा तथा जुत्ताचप्पल ५.५२ र सुर्तीजन्य पदार्थमा ४.९७ प्रतिशत छ ।
सहरभन्दा गाउँमा महँगी
तथ्यांक अनुसार सहरको तुलनामा गाउँमा महँगी बढेको छ । ग्रामीण क्षेत्रको वार्षिक बिन्दुगत उपभोक्ता मूल्य सूचकांक ६.१८ प्रतिशतले वृद्धि भएको छ । सहरी क्षेत्रमा ५.८८ प्रतिशत महँगी बढेको तथ्यांक छ ।
प्रदेशगत हेर्दा सबैभन्दा धेरै मधेसमा ६.९४ प्रतिशत र सबैभन्दा कम सुदूरपश्चिममा ४.६१ प्रतिशत छ । काठमाडौं उपत्यकामा ४.८१, तराई ६.६४, पहाड ५.९५ र हिमालमा ५.१० प्रतिशतले महँगी बढेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4