News Summary
Generated by OK AI. Editorially reviewed.- अभिनेता सागर लम्साल ‘बले’ अभिनीत फिल्म ‘डल्लेले इन्ट्री मार्यो’ आगामी २० कात्तिकदेखि प्रदर्शनमा आउने भएको छ ।
- बलेले सामाजिक सञ्जालमा ‘यो वर्षको तिहारसँगै मनाउँला है । कात्तिक २० मा ।’ भनेर प्रदर्शन मिति सार्वजनिक गरेका छन् ।
- ‘डल्लेले इन्ट्री मार्यो’ बलेलाई निष्कासन गरिएको फिल्म ‘पाँच पाण्डव’सँग बक्स अफिसमा भिड्ने भएको छ ।
काठमाडौं । अभिनेता सागर लम्साल ‘बले’ अभिनीत फिल्म ‘डल्लेले इन्ट्री मार्यो’ को प्रदर्शन मिति घोषणा गरिएको छ । बलेले नयाँ पोस्टर सार्वजनिक गर्दै फिल्म आगामी २० कात्तिकदेखि प्रदर्शनमा आउने जानकारी दिएका छन् ।
प्रदर्शन मिति घोषणा गर्दै उनले सामाजिक सञ्जालमा लेखेका छन्, ‘यो वर्षको तिहारसँगै मनाउँला है । कात्तिक २० मा ।’
रोचक संयोग के छ भने, बलेको यो फिल्म आफूलाई नै निष्कासन गरेको फिल्म ‘पाँच पाण्डव’सँग बक्स अफिसमा भिड्ने भएको छ ।
‘पाँच पाण्डव’को छायांकन चलिरहेकै बेला एक अप्रत्याशित घटनापछि बलेलाई फिल्मबाट निष्कासन गरिएको थियो । उक्त घटनामा प्रहरीले उनलाई पक्राउसमेत गरेको थियो । केही दिन हिरासतमा बसेपछि उनी रिहा भएका थिए ।
राजु गिरी निर्देशित ‘डल्लेले इन्ट्री मार्यो’को घोषणा हुँदा बलेले फिल्मका लागि ३५ लाख रुपैयाँ पारिश्रमिक लिएको चर्चाले पनि निकै चर्चा पाएको थियो ।
‘पाँच पाण्डव’ बाट बलेलाई निष्कासन गरिएको घोषणापछि निर्माता सुशील सिटौलालाई अनुबन्धित गरेका थिए । बलेको भाग छायांकन पुनः सिटौलाले गरेका थिए ।
‘पाँच पाण्डव’ ले बिहीबार मात्र प्रदर्शन मिति घोषणा गरेको थियो । त्यसको एकदिनपछि शुक्रबार मात्र ‘डल्लेले इन्ट्री मार्यो’ फिल्मको प्रदर्शन तय भएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4