१६ असोज, काठमाडौं । नेशनल मेडिकल कलेजका आवसीय चिकित्सक पढ्ने वातवरण बनाइदिन माग गर्दै चिकित्सा शिक्षा आयोग पुगेका छन् ।
वीरगञ्जस्थित नेशनल मेडिकल कलेजले आवासीय चिकित्सकहरूलाई अस्पताल तथा होस्टल खाली गर्न उर्दी जारी गरेपछि उनीहरू काठमाडौं आएका हुन् ।
‘५२ जना छौँ । अहिले सानोठिमीमा ४० जना आएका छौँ । सबैजना वीरगञ्जबाट आएका हौँ,’ आवसीय चिकित्सक विवेक भट्टराईले भने, ‘त्यहाँ पढ्ने वातवरण छैन । डर र धम्की दिइएको छ । अनुत्तीर्ण गर्ने, थेसिसमा साइन नगर्ने जस्ता धम्की आएको छ ।’
पढ्ने वातवरण नभएपछि आफूहरू न्याय खोज्न आयोग पुगेको उनले बताए ।
‘चिकित्सा शिक्षा आयोगको जाँच दिएर सरकारले पठाएको हो । अर्को ठाउँमा पढ्न पाउनु पर्यो,’ उनले भने ।
आयोगमा आएका स्नातकोत्तर तह पहिलो वर्षका आवासीय चिकित्सक हुन् ।
कलेज यसअघि पीजी आवासीय चिकित्सकलाई तत्काल कलेज छाड्न निर्देशन दिएको थियो ।
राष्ट्रिय स्वतन्त्र पार्टी (रास्वपा) का सांसद रहबर अन्सारीले आज नेशनल मेडिकल कलेजमा अध्ययनरत पीजी विद्यार्थीको आन्दोलनप्रति सरकारको गम्भीर ध्यानाकर्षण गराए । प्रतिनिधिसभा बैठकमा बोल्दै उनले विगत १० दिनदेखि पीजी विद्यार्थीहरू आन्दोलनमा रहेको र उनीहरूलाई होस्टेल खाली गर्न, आन्दोलन गर्न तथा कलेजको गेटबाट प्रवेश गर्नसमेत रोक लगाइएको दाबी गरे ।
सरकारको ध्यानाकर्षण गराउँदै उनले भने, ‘यसरी नक्कली बिरामी, नक्कली टिचर, नक्कली निरीक्षणको नाममा राज्यमा यसरी गोरखधन्दा चलाइएका कलेजहरूलाई राज्यले आफ्ना गहनाहरू (विद्यार्थीहरू) को भविष्य अन्योलमा पार्न मिल्दैन ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4