News Summary
Generated by OK AI. Editorially reviewed.- दशैंको अवसर पारेर ‘रामायण’बाट यशको ‘रावण ताण्डव’ गीत सार्वजनिक भएको छ, जसमा उनले रावणको रौद्र रूप र शिवभक्ति देखाएका छन्।
- गीतमा यशको अभिनय, शारीरिक हाउभाउ र भीएफएक्सलाई लिएर प्रशंसा भइरहेको छ।
- नितेश तिवारीको ‘रामायण’मा रणवीर कपुर राम, साई पल्लवी सीता र यश रावणको भूमिकामा छन्।
बलिउडको बहुप्रतीक्षित फिल्म ‘रामायण’बाट अभिनेता यशको ‘रावण ताण्डव’ गीत सार्वजनिक भएको छ । दशैंको अवसर पारेर सार्वजनिक गरिएको गीतमा यशले रावणको रौद्र रूप र भगवान् शिवप्रतिको भक्तिलाई सशक्त रूपमा प्रस्तुत गरेका छन् । त्रिशूल र डमरु बोकेर ताण्डव गरिरहेको उनको अवतारले दर्शकको ध्यान खिचेको छ ।
नितेश तिवारीको निर्देशनमा बनेको ‘रामायण’को कलाकार छनोट, भीएफएक्स र कलाकारहरूको पहिरनलाई लिएर यसअघि विभिन्न टिप्पणी भइरहेका थिए । तर, ‘रावण ताण्डव’ गीतमा यशको अभिनय, शारीरिक हाउभाउ र आक्रामक प्रस्तुतिले प्रशंसा बटुलेको छ । भगवान् शिवलाई प्रसन्न पार्न रावणले गरेको आराधना र उनको शक्तिशाली व्यक्तित्वलाई गीतमा प्रभावशाली ढङ्गले देखाइएको छ ।
यशको नृत्य र भीएफएक्सको चर्चा
गीतमा यशको लुक्स र नृत्यले रावणको चरित्रलाई अझ प्रभावशाली बनाएको छ । कहिले डमरु त कहिले त्रिशूल लिएर ताण्डव गरिरहेको उनको प्रस्तुतिमा रावणको क्रोध, शक्ति र शिवभक्ति झल्किन्छ । गीतका दृश्यमा प्रयोग गरिएको भीएफएक्सले पनि दर्शकलाई आकर्षित गरेको छ ।
एआर रहमान र हान्स जिमरको सङ्गीत
गीतमा सङ्गीतकार एआर रहमान र अस्कर विजेता सङ्गीतकार हान्स जिमरले सङ्गीत दिएका छन् । गायक विशाल ददलानीले गीतमा स्वर दिएका छन् भने यसका शब्द डा. कुमार विश्वासले लेखेका हुन् । शक्तिशाली सङ्गीत र विशाल ददलानीको ऊर्जावान् स्वरले गीतलाई थप प्रभावशाली बनाएको छ ।
कहिले रिलिज हुँदै छ ‘रामायण’?
नितेश तिवारीको निर्देशनमा बनेको ‘रामायण’मा रणवीर कपुरले भगवान् राम, साई पल्लवीले सीता र यशले रावणको भूमिका निर्वाह गरेका छन् । फिल्ममा सनी देओल हनुमानको भूमिकामा देखिनेछन् भने रवि दुबेले लक्ष्मणको भूमिका निभाएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4