१५ कात्तिक, काठमाडौं । काठमाडौंमा साइबर सुरक्षा सम्मेलन ‘बिसाइड्स काठमाडौं २०२६’ आयोजना हुने भएको छ । आगामी नोभेम्बर २१ मा बिहान १० बजेदेखि साँझ ६ बजेसम्म बुढानीलकण्ठस्थित एक होटलमा सम्मेलन हुन लागेको हो ।
साइबर सुरक्षाको क्षेत्रमा काम गरिरहेका विज्ञ, अनुसन्धानकर्ता र यस क्षेत्रमा रुची राख्ने व्यक्तिहरूको सामुदायिक पहलमा आयोजना हुन लागेको सम्मेलनमा ३०० भन्दा बढी साइबर सुरक्षा विज्ञ, इथिकल ह्याकर, अनुसन्धानकर्ता र विद्यार्थी सहभागी हुने अपेक्षा गरिएको छ ।
यो कुनै कम्पनीको उत्पादन वा सेवा प्रवर्द्धन गर्ने व्यावसायिक सम्मेलन नभई साइबर सुरक्षा समुदाय आफैंले आफ्ना लागि निर्माण गरेको साझा मञ्च रहेको आयोजकले जनाएको छ ।
बीसाइड्स काठमाडौंमा प्राविधिक प्रस्तुति, प्रयोगात्मक सिकाइ, ह्याकिङ प्रतिस्पर्धा, ओपन सोर्स परियोजनाको प्रदर्शनी र साइबर सुरक्षा क्षेत्रमा काम गर्ने व्यक्तिहरूसँग अन्तरक्रियाका अवसर उपलब्ध हुनेछन् ।
नेपालमा डिजिटल प्रविधिको प्रयोग विस्तार हुँदै जाँदा साइबर सुरक्षा सचेतना, दक्ष जनशक्ति, स्वतन्त्र अनुसन्धान र यस क्षेत्रमा आपसी सहकार्यको आवश्यकता पनि बढ्दै गएको छ ।
तर विद्यार्थी तथा करिअरको सुरुवाती चरणमा रहेका व्यक्तिले अनुभवी अनुसन्धानकर्ता र अन्तर्राष्ट्रिय विज्ञसँग प्रत्यक्ष अन्तरक्रिया गर्ने अवसर सीमित छन् ।
सम्मेलनले यस्ता अवसर नेपालमै उपलब्ध गराउने लक्ष्य राखेको छ । यसले स्थानीय अनुसन्धानकर्तालाई आफ्ना काम प्रस्तुत गर्ने, विद्यार्थीलाई अनुभवी विज्ञबाट सिक्ने र कार्यक्षेत्रमा रहेका जनशक्तिलाई अनुभव तथा विचार आदानप्रदान गर्ने अवसर दिनेछ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4