+
+
Shares

स्थानीय तह चुनावबारे दलहरुसँग छलफल गर्दै निर्वाचन आयोग

अनलाइनखबर अनलाइनखबर
२०८३ मंसिर ३ गते ६:४३

News Summary

Generated by OK AI. Editorially reviewed.
  • निर्वाचन आयोगले आसन्न स्थानीय तह चुनावबारे शुक्रबार बिहान साढे ११ बजे राष्ट्रिय दलका नेताहरूसँग छलफल गर्दै छ ।
  • आयोगले निर्वाचन व्यवस्थापन, आवश्यक पूर्वतयारी र दलहरूको सुझाव लिन छलफल गर्न लागेको प्रवक्ता नारायणप्रसाद भट्टराईले जानकारी दिए ।
  • स्थानीय तहका जनप्रतिनिधिको कार्यकाल आगामी वैशाखमा सकिने भएकाले आयोगले नयाँ निर्वाचन मिति घोषणा गर्ने तयारी गरेको छ ।

३ मंसिर, काठमाडौं । निर्वाचन आयोगले आसन्न स्थानीय तह चुनावबारे राजनीतिक दलका प्रतिनिधिहरुसँग छलफल गर्दै छ ।

आयोगले शुक्रबार बिहान साढे ११ बजे दलका नेताहरुलाई छलफलका लागि बोलाएको छ । आयोगका आयुक्त गुरुप्रसाद वाग्लेका अनुसार राष्ट्रिय दलको मान्यता प्राप्त दलहरूलाई छलफलका लागि बोलाइएको हो ।

प्रतिनिधि सभामा रास्वपा, नेपाली कांग्रेस, एमाले, नेकपा, श्रम संस्कृति र राप्रपा गरी ६ दलले राष्ट्रिय दलको मान्यता प्राप्त गरेका छन् ।

स्थानीय तहका जनप्रतिनिधिको कार्यकाल आगामी वैशाखमा सकिने भएकाले आयोगले नयाँ निर्वाचनको मिति घोषणाको तयारी गरेको छ । त्यसबारे जानकारी गराउँदै निर्वाचन व्यवस्थापन, आवश्यक पूर्वतयारी र राजनीतिक दलहरूको सुझाव लिनका लागि छलफल गर्न लागिएको आयोगका प्रवक्ता नारायण प्रसाद भट्टराईले जानकारी दिए ।

राष्ट्रिय मान्यता प्राप्त राजनीतिक दलहरूसँगको छलफलपछि आयोगमा दर्ता भएका अन्य राजनीतिक दलसँग पनि क्रमश: छलफल गर्ने आयोगले जनाएको छ ।

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?