आईपीओ

आईपीओमा कहिलेकाहीं हामीले आवेदन दिई हाले पनि कम्पनीको वित्तीय विवरण र अन्य अवस्थाहरू ठिक नलागेमा आईपीओ आवेदन बन्द हुनु अगावै रद्द गर्नुपर्ने हुनसक्छ । यसरी आईपीओको आवेदन दिइसकेको अवस्थामा रद्द गर्नुपर्‍यो भने निम्नानुसार गर्न सकिन्छ :

१. बैंक खातामा रकम नराखेर : यदि हामीले आईपीओ रद्द गर्नुपर्नेछ र बैंकले आस्बा प्रणालीबाट हाम्रो आवेदन अनुसारको रकम भेरिफाई गरेर ब्लक गरिसकेको छैन भने हामीले आफ्नो खातामा आवेदनमा आवश्यक रकम भन्दा कम रकम मात्रै बैंक खातामा राखी अन्य पैसा निकालेको खण्डमा बैंकले हाम्रो बैंक खातालाई भेरिफाई गर्दा पैसा कम भएको देखेर हाम्रो आवेदन रिजेक्ट गरिदिन्छ ।

यसका साथै अर्को विधि भनेको बैंकको पैसालाई यथावत् नै राखी हामीले मेरो शेयरमा गई आफ्नो आईपीओको आवेदनलाई इडिट गरेर आफ्नो बैंक खातामा रहेको पैसा भन्दा बढीको आवेदन दिई पुनः एप्लाई गरेको खण्डमा समेत बैंकले आवेदन अनुसारको पैसा बैंक खातामा नदेखिई आईपीओ एप्लिकेशन रद्द गर्न सक्छ ।

२. आवेदकले आफ्नो एउटा हितग्राही खाताबाट आवेदन दिएर सो आवेदन भेरिफाई भइसकेको अवस्थामा पुनः अर्को डिम्याट खाताको मेरो शेयरबाट सोही आईपीओमा आवेदन दिएको खण्डमा दोहोरो आवेदनका कारण दुईवटै आवेदन रद्द हुन्छ ।

आईपीओ आवेदन परिवर्तन

आईपीओमा मेरो शेयरमार्फत आवेदन भरिन्छ । आवेदन परिवर्तन गर्नुपरेमा मेरो शेयर लगइन गर्नुपर्छ ।

• सर्वप्रथम मेरो शेयर लगइन गर्नुहोस् ।
• मेरो शेयरको लगइन पछि, My ASBA मेनुमा जानुहोस् । त्यसपछि Application Report मा जानुहोस् ।

• आवेदन परिवर्तन गर्नुपर्ने कम्पनीको Report मा जानुहोस् ।

• Edit मा जानुहोस् ।

• Edit मा गइसकेपछि तपाईंहरूले आवेदनमा परिवर्तन गर्न सक्नुहुनेछ । तपाईंले आवेदन परिवर्तन गर्न खोजेको आईपीओ Verify भइसकेको छ भने तपाईंले आफ्नो बैंकको शाखामा सम्पर्क गर्नुपर्छ ।

आईपीओ आवेदन रद्द

माथिको प्रक्रियाबाट तपाईंले आवेदन परिवर्तन गर्न सक्नुहुन्छ तर रद्द भने हुँदैन । रद्द गर्नको लागि तपाईंले केही सतर्कता अपनाउनुपर्ने हुन्छ । जस्तै : आवेदनलाई परिवर्तन गरेर बैंक खातामा भएको रकमको भन्दा बढी रकमको आवेदन दिने र यसो गर्दा तपाईंको बैंक खातामा पैसाको अभाव हुन्छ र आवेदन स्वतः रद्द हुन्छ । यदि खातामा प्रशस्त रकम छ र त्यो सम्भव छैन भने तपाईंले आफ्नो खातामा भएको रकमलाई स्थानान्तरण गर्नु अर्को उपाय हुनेछ । यसरी गरिएको फेरबदल पछि तपाईंको आवेदन Reject हुन्छ कारण Insufficient Balance

माथि उल्लिखित उपायहरू तपाईंको आवेदन Verify हुनुभन्दा अगाडि गर्नुपर्ने हुन्छ अन्यथा यो उपाय काम लाग्दैन । आवेदन Verify भइसकेको छ भने आवेदन रद्द गर्नका लागि तपाईंको बैंकलाई सम्पर्क गर्नुपर्ने छ र बैंक तथा वित्तीय संस्थाहरूको नियमानुसार आवश्यक कागजात जम्मा गर्नुपर्ने हुनसक्छ ।