म्युचुअल फण्ड

कोष प्रबन्धकहरूले सक्रिय वा निष्क्रिय रूपमा कोष व्यवस्थापन गर्न सक्छन् । अधिकांश ईटीएफ (Exchange Traded Fund, ETF) हरू एक निश्चित सूचकांकसँग आवद्ध निष्क्रिय लगानी हुन् । यी दुई बीचको भिन्नतालाई निम्नानुसार चर्चा गरिएको छ :

व्यवस्थापन : कोष प्रबन्धकहरूले लगानी योजनाहरूलाई सक्रिय रूपमा वा निष्क्रिय रूपमा व्यवस्थापन गर्न सक्छन् । म्युचुअल फन्डहरू अधिकांश सक्रिय रूपमा व्यवस्थापन गरिएका हुन्छन् ।

कारोबार : ETFs को कारोबार स्टकको जस्तै हुन्छ । दिनभर मूल्यको उतारचढावसँगै शेयर बजारमा खरिद–बिक्री हुन्छ । ETF को लागि तपाईंले तिर्नुभएको मूल्य अन्य लगानीकर्ताले तिरेको भन्दा फरक हुनसक्छ । म्युचुअल फन्डको इकार्ई मूल्य हरेक दिन NAV मा आधारित भई कार्यान्वयन गरिन्छ । सबै लगानीकर्ताले एक दिनमा समान मूल्यमा म्युचुअल फन्डको इकार्ई प्राप्त गर्छन् ।

न्यूनतम लगानी : ETFs मा सुरुवाती न्यूनतम लगानी हुँदैन किनभने तिनीहरू स्टक जस्तै कारोबार गरिन्छ । भ्त्ँ एक शेयरको लागत अनुरुप खरिद गर्न सकिन्छ जसलाई ETF को ‘बजार मूल्य’ भनिन्छ । म्युचुअल फन्डको न्यूनतम प्रारम्भिक योगदान सामान्यतया रु. १००० हो जसमा १०० कित्ता म्युचुअल फन्डको इकार्ई खरिद गर्न सकिन्छ । म्युचुअल फन्डको NAV ले बजार मूल्यलाई फरक पार्दछ ।

तरलता : ETF हरूमा उच्च तरलता हुन्छ । दैनिक कारोबार परिमाणसँग ETF सम्बन्धित हुँदैन । ETF को तरलता स्टकको तरलतासँग जोडिएको हुन्छ । म्युचुअल फन्डमा ETF भन्दा कम तरलता हुन्छ ।

बिक्री समय : ETF को कुनै निर्दिष्ट खरिद वा बिक्री समय हुँदैन । लगानीकर्ताले आफूले चाहेको बेला किन्न वा बेच्न सक्छन् । खुलामुखी म्युचुअल फन्डहरूले निश्चित अवधि भन्दा पहिले शेयर बिक्री गरेमा शुल्क लिन्छन् ।

लगानीकर्ताले म्युचुअल फन्ड र एक्सचेन्ज ट्रेडेड फन्डबाट फाइदा लिन सक्छन् । फन्डले बलियो लगानी पोर्टफोलियोको विकासमा योगदान पुर्‍याउँछन् । सबै किसिमका फन्डको फाइदा र बेफाइदा हुन्छन् । तपाईंले छनोट गर्दा विचार गर्नुपर्छ । तपाईंको वित्तीय लक्ष्य, स्वीकार्य लागत, लगानी शैली अनुकूल फन्ड छ कि छैन जाँच्नुपर्छ ।